रामेछाप ८ कार्तिक । नेपाली काँग्रेस मन्थली नगरपालिका स्तरीय चुनाव परिचालन समितिले आफ्ना १४ वटै वडामा वडा स्तरीय चुनाव परिचालन समिति गठन कार्य सम्पन्न गरेको छ ।
कार्तिक ३ गते बसेको नेपाली काँग्रेस र माओवदी केन्द्रको नगर स्तरीय पदाधिकारीहरुको संयुक्त बैठकले शंकर अधिकारीको संयोजकत्वमा दुबै दलको पदाधिकारीहरु रहने गरी नगर स्तरीय चुनाव परिचालन समिति गठन गरेको थियो ।
उक्त समितिले कार्तिक ४ गते वडा नं ५ सुनारपानी बाट सुरु गरेको आफ्नो अभियान मंगलवार वडा नं १२ को गेलु (सिक्राल)मा गरेको गठन सँगै सम्पन्न गरेको हो ।
ति वडाहरु मध्ये वडानं २, ५,११ र १४ मा माओवादी केन्द्रको संयोजकत्वमा र वाँकी वडाहरुमा नेपाली काँग्रेसको संयोजकत्वमा वडास्तरीय चुनाव परिचाल समिति र सचिवालय गठन भएको नगर स्तरीय चुनाव परिचालन समितिका संयोजक शंकर अधिकारीले जानकारी दिनुभयो ।
यो बारेमा तपाईको प्रतिकृया