गठबन्धनको जित सुनिश्चित –कान्छाराम

रामेछाप,१४ कार्तिक । लोकतान्त्रिक वाम गठबन्धनका प्रतिनिधि सभा का उमेद्वार पूर्ण बहादुर तामाङ (कान्छाराम) ले रामेछाप जिल्लामा गठबन्धनको जित सुनिश्चित भैसकेको बताउनुभएको छ । सो कुरा उहाले रामेछाप नगरपालिकाको रामपुरमा सोमबार आयोजित चुनावी सभाका अबसरमा बताउनुभएको हो ।
उहाले गठबन्धनको जित सुश्चितका आधारहरुमा बिष्लेषण गर्दै भन्नुभयो–“रामेछापमा गठबन्धनले जित्ने पर्याप्त आधारहरु छन् त्यसमध्ये पहिलो आधार भनेको जिल्लाका ८ वटा स्थानीय तह मध्ये ५ वटा तह गठबन्धनले छ दोस्रो आधार भनेको २०७४ को निर्वाचनमा एमाले र माओवादी मिल्दा पनि काँग्रेसले मैले ३५ हजार ७ सय ७१ मत प्राप्त गरे । तत्कालिन मेरा प्रतिद्धन्दी श्याम कुमार श्रेष्ठले ४२ हजार १ सय १७ मत प्राप्त गरी ६ हजार ३ सय ४६ मतान्तरले मात्र आफु उपबिजेता भएकोले अब आफुले माओवादी र काँग्रेको गरी ६५ हजार भन्दा बढि मत ल्याई एमाले सँग दोब्वरको फरकमा चुनाव जित्ने सुनिश्चित छ । ”

स्थानीय निर्वाचन–२०७९ मा रामेछाप नगरपालिका, लिखु तामाकोशी गाउपालिका र गोकुलगंगा गाँउपालिका नेपाली काँग्रेसले जितेको छ भने सुनापति र दोरम्बा शैलुङ गाँउपालिका माओवादी केन्द्रले जितेको छ । यसका आधारमा पनि गठबन्धन वलियो भएको नेपाली काँग्रेसका जिल्ला सचिब दिपक खड्काले बताउनुभयो ।
जिल्लाका स्थानीय तह मध्ये ३ वटा पालिका मात्र एमालेले जितेको थियो । त्यस मध्येमा पनि नेकपा एमालेले जितेका पालिका अन्तर्गत ७ वटा वडा रहेको उमाकुण्ड गाँउपालिकामा उपाध्यक्ष(काँग्रेस) सहित २ वटा वडा (१ काँग्रेस, १ मओवादी) गठबन्धनले जितेको छ । त्यसैगरी ९ वटा वडा रहेको खाँडादेवी गाँपालिकामा पनि २ वटा वडा गठबन्धनले जितेको छ भने मन्थली नगरपालिकामा पनि वडा नं १,४,६,७,१०,१२ काँग्रेस वडा नं ११ माओवादी र वडा नं ५ मा समाजवादि सहित ८ वटा वडा गठबन्धनले जितेकोले पनि यो निर्वाचन गठबन्धनको जित सुनिश्चित जस्तै भएको बिश्लेषकहरुले बतएका छन् । गठबन्धनको आँकलन अनुसार गठबन्धनलाई कम मत झर्ने पालिका भनेको खाँडादेवी गाँउपालिका मात्र हो, अरु बाँकी सबै पालिकामा पर्याप्त मत गठबन्धनलाई आउने भएकोले पनि गठबन्धनको जित पक्का पक्की भएको बिश्वास गरिएको छ ।

No Result