मन्थली,२४ पुष । राष्ट्रिय प्रजातन्त्र पार्टि (राप्रपा)को केन्द्रिय आन्दोलन परिचाल समितिले रामेछापको मन्थलीमा प्रशिक्षण कार्यक्रम सम्पन्न गरेको छ ।
राप्रपाका जिल्ला अध्यक्ष भरत वाइबाको अध्यक्षतमा एबं केन्द्रिय सह–महामन्त्री सौरेन्द्र शाहको प्रमुख आतिथ्यतामा उक्त कार्यक्रम सम्पन्न भएको हो ।
कार्यक्रमका अबसरमा बोल्दै प्रमुख अतिथि शाहले गत फागुन महिनामै राप्रपाले यो ब्यवस्था परिवर्तन गर्नुपर्ने लगाएतको ४० बुँदे माग सहितको ज्ञापन पत्र बुझाएको भएपनि त्यो पत्र को कुनै सुनुवाई नभएकोले अब राप्रपा आन्दोलनमा उत्रने चेतावनी दिनुभयो ।
उहाँले यो ब्यवस्था परिवर्तनका लागि वारपारको लडाई लड्न राप्रपाले ७७ वटै जिल्लामा आन्दोलन गर्ने तयरी गरेको पनि बताउनु भयो ।
सह महामन्त्री शाहले प्रत्येक वडा बाट ३÷३ जना युवाहरु तयार पारेर परिचालन गर्ने पनि बताउनुभयो । उहाँले वर्तमान सरकारले राम्रो काम गर्न नसकेको प्रति आक्रोश ब्यक्त गर्दै यो ब्यवस्था रहुन्जेल सरकारले जनमूखि कार्यक्रम गर्न नसक्ने ठोकुवा गर्नुभयो ।
सो अबसरमा बोल्दै कार्यक्रमका अध्यक्ष भरत वाइवाले बर्तमान अबस्थाको ब्यवस्था परिवर्तन नहुन्जेल काँग्रेस एमालेको गठबन्धन सरकारले कुनै पनि राम्रो काम गर्न नसक्ने बताउनुभयो ।
कार्यक्रममा आन्दोलन परिचालन केन्द्रिय समितिका सदस्य फणिन्द्र राज लोहनी, रन्जन कार्की र राप्रपाका प्रदेश, जिल्ला र नगर स्तरका नेता तथा कार्यकर्ताहरुको उपस्थिति रहेको थियो ।
यो बारेमा तपाईको प्रतिकृया