काठमाण्डौ २८ चैत्र । नेपाली काँग्रेस रामेछाप–काठमाण्डौं सम्पर्क समितिले शनिवार काठमाण्डौंमा रक्तदान कार्यक्रमको आयोजना गरेको छ ।
नजिकिदै गरेको नयाँ बर्षको अवसर पारेर आयोजना गरिएको उक्त कार्यक्रम समितिका सभापति राजनारायण श्रेष्ठको अध्यक्षता र काग्रेस नेत मिनेन्द्र रिजालको प्रमुख आतिथ्यतामा सम्पन्न भएको थियो ।
उक्त कार्यक्रममा १ सय ८ जनाले रक्तदान गरेका थिए । त्यस अवसरमा सम्पर्क समितिले प्रकाशन गरेको २०७८ सालको नयाँ क्यालेन्डर समेत प्रमुख अतिथि डा.रिजालले सार्वजनिक गर्नु भएको थियो ।
नयाँ बर्षको शुभकामना आदान प्रदान गर्ने उदेश्यले आयोजना गरिएको कार्यक्रममा रामेछापबाट काठमाण्डौं गएर बसेका विभिन्न पेशा तथा व्यबसायमा संलग्न करिव ५ सय जनाको उपस्थिति रहेको सम्पर्क समितिका प्रदिप बस्नेतले जानकारी दिनुभयो ।
कार्यक्रमका प्रमुख अतिथि रिजालले अहिलेको बदलिंदो राजनैतिक परिवेशलाई काँग्रेसले ध्यानपूर्वक हेरिरहेको बताउनु भयो । उहाले यो अबस्थामा काँग्रेसले हेरेर वस्नु भन्दा वाहेक अरु काम केहि गर्न नसकेको स्वीकार गर्नु भयो ।
यो बारेमा तपाईको प्रतिकृया