मन्थली नगरमा सत्ता गठबन्धनको चुनाब परिचालन समिति गठन

रामेछाप,३ कार्तिक । प्रतिनिधि सभा र प्रदेश सभाको निर्वाचन नजिकिदै जाँदा सत्ता गठबन्धनले मन्थली नगरपालिकामा नेपाली काँग्रेसका नगर सभापति शंकर प्रसाद अधिकारीको संयोजकत्वमा नगर स्तरीय चुनाव परिचान समिति गठन गरेको छ ।
शुक्रबार मन्थलीमा बसेको नेपाली काँग्रेस र माओवादीका नगर तथा जिल्ला स्तरका नेता हरुको संयुक्त बैठकले अधिकारीलाई संयोजक र माओवादी केन्द्रका राम तामाङ लाई सह संयोजको जिम्मेवारी दिएको हो ।
समितिमा दुबै पार्टिका नगरका पदाधिकारीहरुलाई सदस्य कायम गरिएको छ भने जिल्लास्तरीय नेताहरुलाई सल्लाहकार बनाउने निर्णय भएको छ ।
बैठकले चुनावी रणनिति बनाउनुका साथै कार्तिक ४ गते देखि ८ गते सम्ममा नगरका १४ वटै वडामा गठबन्धनको संयुक्त बैठक राखि वडा स्तरीय चुनावी परिचालन समिति बनाउने समेत निर्णय भएको छ ।
त्यसैगरी मतभारमा आधारमा मन्थली नगरपालिकाका १४ वडा मध्ये वडा नं २, ५, ११ र १४ वडामा माओवादी केन्द्रको संयोजकत्व र बाँकी वडामा नेपाली काँग्रेसको संयोजकत्वमा वडा स्तरीय निर्वाचन परिचालन समिति गठन गर्ने निर्णय भएको छ ।
बैठक नेपाली काँग्रेसका नगर सभापति शंकरप्रसाद अधिकारीको अध्यक्षतामा भएको थियो ।