रामेछाप ,१२ मंसिर । नव निर्वाचित प्रतिनिधि सभाका सदस्य पूर्ण बहादुर तामाङ (कान्छाराम)ले केन्द्रको गठबन्धन भत्किएपनि जिल्लाको भने भत्कन नदिने बताउनुभएको छ ।
सो कुरा सोमवार मुख्य निर्वाचन अधिकृतको कार्यालय रामेछापले मन्थलीमा आयोजना गरेको प्रतिनिधि सभा र प्रदेश सभाका माननिय हरुलाई प्रमाणपत्र बितरण समारोहका अबसरमा बताउनु भएको हो । तामाङले गठबन्धन बाट निर्वाचित तीनै जना सांसदहरुले जिल्लामा ल्याएको बजेट समन्वयकारी ढंगवाट गर्च गर्ने भन्दै प्रदेश सभा क र ख मा वरावरी बिकास निर्माणका कामहरु हुने बताउनुभयो ।
उहाले भन्नुभयो – “आफुले सबै पालिकामा गएर गरेको र निर्वाचनका बेला जारी गरेको प्रतिबद्धता पत्र अनुसार नै काम गर्ने योजना रहेकोले प्रदेश सभा क र ख का सांसदहरुले ल्याएको बिकास निर्माणको रकम र आफुले केन्द्र बाट ल्याएको रकम समन्वयकारी ढंगबाट योजना वनाएर खर्च गर्छौ ।”
सो अबसरमा उहाले निर्वाचनका बेला अहोरात्र खट्ने राष्ट्रसेवक कर्मचारी हरु र सहयात्री राजनैतिक दल एबं सञ्चारकर्मीहरु समेतलाई धन्यवाद दिंदै निर्वाचनका बेला कसैलाई गाली गलौज गरेको वा रुखो वोली गरेको भएपनि त्यस्ता कुरालाई मनामा नराख्न आग्रह गर्नुभयो । उहाले वआगामी दिनमा सबैसँग समन्वय गरेर मात्र काम गर्ने प्रतिबद्धता ब्यक्त गर्नुभयो ।
मुख्य निर्वाचन अधिकृत इन्दिरा शर्माको अध्यक्षतामा सम्पन्न उक्त कार्यक्रममा बोल्दै प्रदेश सभा क का सांसद तारानारायण श्रेष्ठले आफुहरु जनताले दिएको अभिमत लाई कद्दर हुने गरी उनीहरुको पक्षमा काम गर्ने बताउनुभयो । उहाले आफ्नो कार्यकालभरी जिल्लाका सहयात्री बिपक्षी दलका नेताहरुसँग पनि सल्लाह लिएर काम गर्ने बताउनुभयो ।
जिल्ला समन्वय समितिकी प्रमुख चिना खड्का कार्कीको प्रमुख आतिथ्यतामा सम्पन्न उक्त कार्यक्रमका अबसरमा बोल्दै प्रदेश सभा ख का सांसद युवराज चौलागाईले जिल्लामा पर्यटनका धेरै संम्भावनाहरु रहेकाले प्रचार प्रसार सहित आबश्यक संरचनाहरुको निर्माण गरी त्यसलाई प्रबद्र्धन गरिने बताउनुभयो । उहाले जिल्लामा धेरै विकास निर्माणका कामहरु गर्न आबश्यक रहेकोले जिल्लाको सबृद्धिका लागि संघ, प्रदेश र स्थानीय तहको समन्वयमा काम गरिने बताउनुभयो ।
सो अबसरमा जिल्ला निर्वाचन अधिकारी मधुकर शाह,प्रमुख जिल्ला अधिकारी शोभाखर रेग्मी, जिल्ला समन्वय प्रमुख चिना खड्का लगाएतले कार्यक्रममा आ–आफ्नो मन्तब्य राख्नुभएको थियो ।
यसै विच नेपाल पत्रकार महासघले पनि सोमवार नै नव निर्वाचित माननियहरुलाई बधाई तथा शुभकामना कार्यक्रमको आयोजना गरेको छ । महासंघका अध्यक्ष बद्री नयाँघरेको अध्यक्षतामा सम्पन्न उक्त कार्यक्रमका अबसरमा प्रतिनिधि सभाका सांसद कान्छाराम तामाङ, प्रदेश सभाका सांसद क्रमश युवराज चौलागाँई, र तारानारायण श्रेष्ठ, पूर्ब गृह राज्य मन्त्री श्यामकुमार श्रेष्ठ लगाएतले जिल्लाका सम्पुर्ण मतदाताहरुलाई धन्यवाद दिदै मतदाताहरुको अमुल्य मतको कद्दर गर्ने प्रतिवद्धता ब्यक्त गर्नु भएको थियो ।
यो बारेमा तपाईको प्रतिकृया