मन्थली, १७ मंङ्सिर । मन्थली सहिद स्मृति बहुमुखी क्याम्पसमा स्थापना काल देखिनै प्रशासनफाँटमा काम गर्दै आउनु भएका शिव सुवेदीको आज क्याम्पसले एक समारोहका विच सम्मान सहित फेरी भेटौला कार्यक्रम सम्पन्न गरेको छ ।
सञ्चालक समितिका सदस्य दिपक राज प्रसाईको अध्यक्षतामा सम्पन्न उक्त कार्यक्रममा क्याम्पस प्रमुख भरत कुमार श्रेष्ठ, पूर्व क्याम्पस प्रमुख टंक प्रसाद दाहाल,प्राध्यापक संघका अध्यक्ष बद्री अधिकारी, स्वबियू सभापति सुशिल थापा, लगाएतले क्याम्पसमा सुवेदीले दिनु भएको योगदानका बारेमा चर्चा गर्नु भएको थियो ।
सो अबसरमा बोल्दै सम्मानित हुनुभएका सुबेदीले आफुले सुरुवातीको चरणमा निक्कै मेहनत गरेका कारण क्याम्पस यो ठाँउमा आइपुगेको स्मरण गराँउदै अबका दिनमा पनि क्याम्पस राम्रो बनाउनका लागि आफुले सकेको सहयोग गर्ने प्रतिबद्धता ब्यक्त गर्नुभयो ।
कार्यक्रमको समापनका क्रममा बोल्दै सभाध्यक्ष दिपक प्रसाईले शिव सर को हाल सम्मको योगदान क्याम्पसले कद्धर गर्ने र आगामी दिनमा पनि क्याम्पसको उत्तरोत्तर प्रगतिका लागि उहाँ बाट निक्कै सहयोगको अपेक्षा गरेको बताउनुभयो ।
सो अबसरमा क्याम्पस, प्राध्यापक संघ र स्ववियूले उहाँलाई छुट्टाछुट्टै मायाको चिनो हस्तन्तरण गरेका थिए भने क्याम्पस र स्वावियु को तर्फबाट पनि छुट्टाछुट्टै प्रशंसा पत्र समेत प्रदान गरिएको थियो ।
मन्थली माविमा समेत अध्यापन गराइरहनुभएका सुबेदीको उमेर हदका कारण अबकास हुनुभएपछि उहाँ र स्वेच्छिक अबकास लिनु भएका चन्द्र सिं धामीलाई माविले पनि यस अघि बिदाई गरेको थियो ।
यो बारेमा तपाईको प्रतिकृया