मन्थली नगरपालिका वडा नं–१० चनखुका वडा अध्यक्ष पक्राउ

रामेछाप, १० माघ । रामेछाप जिल्लाको मन्थली नगरपालिका वडा नं –१० चनखुका वडा अध्यक्ष भरत बहादुर बोहोरा (अर्जुन) पक्राउ परेका छन । महानगरीय प्रहरी वृत्त भक्तपुर ठिमीको पत्र अनुसार वडाध्यक्ष बोहोरालाई जिल्ला प्रहरी कार्यालय रामेछापले शनिवार पक्राउ गरेको हो ।
जवरजस्ती करणी गरेको आरोपसहितको जाहेरी प्रहरी बृत्त ठिमीमा परेपछि अदालतको अनुमति सहित महानगरीय प्रहरी वृत्त भक्तपुर ठिमीको पत्र अनुसार वडाध्यक्ष बोहोरालाई पक्राउ गरिएको जिल्ला प्रहरी कार्यालय रामेछापका सूचना अधिकारी शंकर श्रेष्ठले जानकारी दिनुभयो ।
ठिमी वृत्तमा परेको उजुरी र जिल्ला अदालतले जारी गरेको पक्राउ पुर्जीको आधारमा वडाध्यक्ष बोहोरालाई पक्राउ गरिएको पनि सूचना अधिकारी श्रेष्ठले बताउनुभयो । यस घटनाबारे थप अनुसन्धान प्रहरी वृत्त ठिमीलेनै गर्ने भएकाले वडाध्यक्ष बोहोरालाई ठिमी वृत्तको जिम्मा लगाइने पनि उहाँले बताउनुभयो ।