रामेछाप १८ माघ । रामेछाप जिल्लाका प्रमुख जिल्ला अधिकारी अर्जुन कुमार शर्मा गुरागाँई र प्रहरी नायव उपरीक्षक नवराज ढुंगानाले आइतवार देवकोटा चोकमा सार्वजनिक गाडिमा सन्देश मुलक पर्चा टास्नु भएको छ ।
जिल्ला ट्राफिक प्रहरी प्रमुख रामेश्वर पाण्डेले देवकोटा चोकमा आइपुगेको टेम्पु र काठमाण्डौ वाट आएको अरनिको यातायात सेवा समितिको वस लाई रोक्नुभयो र भन्नुभयो– गुरुजी एक छिन गाडि रोक्नुस तपाइ सँग काम छ । फेरी चेकीङ्गमा परिन भैयो भनेर चालकले झस्कदै गाडि रोके । पहिले अइपुगेको टेम्पो र पछि आइपुगेको वसको अगाडि पटि प्रजिअ शर्मा र ढोकापटि प्रनाउ ढुंगानाले सडक सुरक्षा तथा वातावरण संरक्षण सम्वन्धी सन्देसमुलक स्टीकर टासेर पर्चा वितरणको औपचारीक सुरुवात गरीयो ।
त्यस पछि मन्थली वजारका विभिन्न ठाउमा राखिने ट्राफिकको डमिहरूको समेत प्रजिअ शर्माले उद्घाटन गर्नुभयो ।
ट्राफिकले चालहरुलाई जरीवाना तिराउने मात्र हैनन राम्रो काम गर्नेलाई सम्मान समेत गर्छन भन्ने सन्देश दिन सिम्वोलिक रुपमा मन्थली वजारको देवकोटा चोक र वसपार्क मा यस्ता डमिहरू राखिएको जिल्ला ट्राफिक प्रहरी प्रमुख रामेश्वर पाण्डेले वताउनु भयो ।
अस्त, ब्यस्त ग्रस्त मन्थली वजार प्रवेश गर्ने बित्तिक्कै सडक छेउमा निर्माण सामाग्री र फोहोरका थुप्राहरु देख्नु भन्दा ट्राफिकको डमीले सलाम गरेको देख्न पाउनु यहाहरुलाई जिल्लामा स्वागत छ भन्ने सन्देस समेत दिएको आभाष हुने पत्रकार बद्री नयाँघरेले वताउनुभयो ।
यस अघि पनि विभिन्न गतिवधिहरु गरेर आफ्नो अभियानहरू सञ्चालन गरीरहेको ट्राफिक प्रहरीले सडक सुरक्षा तथा वातावरण संरक्षण सम्वन्धी सन्देशमुलक पर्चा वितरण को सुरुवात र ठाँउ ठाँउमा नयाँ डमी राख्ने कार्यको थालनी आइतवार प्रजिअ शर्माद्धारा उद्घाटन गराएर गरेको हो । त्यस पछि जिल्ला भित्रने हरेक गाडिमा ट्राफिक प्रहरी आफैले पर्चा टास गर्ने तथा वितरण गर्नेकाम गरीरहेको छ ।
यो बारेमा तपाईको प्रतिकृया