मन्थली १५ भदौ । नेपाल शिक्षक महासंघले आफ्नो आन्दोलनलाई पुनःसुरु गरेको छ, जस अन्तर्गत रामेछापका शिक्षकहरु पनि आन्दोलित भएका छन ।
उनीहरूले महासंघको केन्द्रिय कार्यक्रम अनुसार शुक्रवार पालिका स्तरीय धर्ना र आइतावर शिक्षा तथा समन्वय इकाई रामेछापमा धर्ना सहित ज्ञापन पत्र पेश गरका हुन ।
महासंघका अध्यक्ष शंकर प्रसाद ढुंगेलको नेतृत्वमा आइतवार जिल्ला शिक्षा विकास तथा समन्वय इकाइ मन्थलीमा पुगेको टोलीले केही समय कार्यालयमा धर्ना दिई आफ्ना विभिन्न मागहरु सहितको ज्ञापन पत्र बुझाएको थियो ।
ज्ञापन पत्र बुझ्दै इकाई प्रमुख नेत्र प्रसाद गजुरेलले शिक्षक महासंघले दिएको ज्ञापन पत्र सम्बन्धित निकायमा तत्कालै पठाइने बताउनुभयो ।
सरकार र शिक्षा मन्त्रालय विच यस अघि बैशाख महिनामा भएको सहमति कार्यान्वयन नभएको भन्दै शिक्षकहरु पुन ः आन्दोलित भएका ।
यो बारेमा तपाईको प्रतिकृया