रामेछाप । रामेछाप जिल्लालाका सबै विद्यालय हरु संचालनमा आएका छन् । कोरोना संक्रमण घट्दै गएका कारण जिल्लाका सबै विद्यालय संचालनमा आएका हुन् । विद्यालय संचालनमा आएपछि जिल्लाको ८ वटै स्थानीय तहहरुमा अहिले भौतिक रुपमा पठनपाठन सञ्चालन भइरहेको छ ।
स्थानीय सरकारले कोरोना सक्रमणको अबस्था हेरेर स्वास्थ्य सुरक्षाको मापदण्ड पालना गर्दै धमाधम विद्यालय खोल्न थालेका हुन् । झण्डै ६ महिनादेखि घरमै रहेका बालबालिका पनि विद्यालय पठाउन पाउँदा विद्यार्थि तथा अविभावकहरु समेत खुसि भएका छन् ।
कोरोनाको दोस्रो लहर बढेपछि २०७७ चैत यता बन्द रहेका विद्यालय स्वास्थ्य साबधानी अपनाउँदै खोल्न थालिएको छ । लामो समयपछि विद्यालय जान पाएर बालबालिका पनि खुशी छन् । विद्यालय बन्द हुँदा साना बालबालिकाहरुले अक्षर चिन्न नै बिर्सिसकेका थिए भने अलि ठूला बालबालिकाहरु दिन भरी मोेबाईलमा ब्यस्त हुँदा अविभाबक हरुलाई पनि समस्या परेको थियो ।
जिल्ला प्रशासन कार्यालय रामेछापले जारी गरेको सूचना अनुसार नै स्वास्थ्य सुरक्षाका सबै मापदण्ड पूरा गरेर विद्यालय खोलिएको विद्यालय प्रशासनहरुको बताएको छ । कोरोना संक्रमणको अवस्था हरेर आफ्नो पालिका क्षेत्रको विद्यालय खोल्ने वा बन्द गर्ने अधिकार स्थानीय सरकारसँग छ । आफ्नो पालिका भित्रका विद्यालयका प्रधानाध्यापकहरुसँगको छलफल गरी सुरक्षाका मापदण्ड अपनाउने प्रतिवद्धता पछि, नेपाल सरकारको विद्यालय सञ्चालन सम्बन्धी कार्यढाँचा, २०७७ अनुसार पठनपाठन अनुमति दिइएको प्रजिअ गौलोचन सैजुले जानकारी दिनु भयो ।
जिल्लामा रहेका सामुदायिक र निजी विद्यालय खुल्न थालेका छन् । तर कोरोना विरुद्धको खोप नलगाएका कारण बालबालिका संक्रमणको उच्च जोखिममा भएकाले उनीहरुको स्वास्थ्य सुरक्षाको विषय विद्यालय प्रशासन र अभिभावकका लागि चुनौतिपूर्ण देखिएको छ ।
यो बारेमा तपाईको प्रतिकृया