३ बैशाख, २०७६
रामेछाप– २०५८ साल बैशाख ३ गते रामेछापको मन्थली नगरपालिका–१० साविक चनखु गाविसमा बुबा लालबहादुर थापामगर र आमा सिता थापामगरको माइली छोरीको रुपमा जन्मिएकी अनिता थापामगरलाई आफ्नो जन्म दिनमा धेरैले १८ औँ बसन्तमा प्रवेश गरेको खुसियालीमा शुभकामना दिई रहेका थिए । तर, उनलाई त्यो खुसी शुभकामना दिनेहरुसँग नभइ सुर्खेतको गुमी नजिक खोलाको किनारमा बसोबास गर्ने राउटेका परिवारसँग गएर साट्ने इच्छा जाग्यो ।
जन्म दिन मनाउन सुर्खेत पुगेकी थापामगरले खोलाको त्यो चिसो स्याँठमा एक सरो गम्छामा कष्ठपूर्ण जीवन बिताइरहेका राउटे परिवारका महिलाहरुलाई आफ्नो जन्म दिनमा हुने खर्चले कपडा खरिद गरी वितरण गरेर सहयोग गरेकी छिन् ।
१७ वर्ष पुरा भई १८ वर्षमा लागेकी थापा मगरले सुर्खेतमै पुगेर सहयोग गरेकी हुन् । उनले सुर्खेतका ४२ जना महिलाहरुलाई कपडा र बालबालिकालाई बिस्कुट समेत वितरण गरेकी थिईन् । निशुल्क रुपमा कपडा पए पछि राउटे महिलाहरु खुसी हुँदै उनिहरुले अफूलाई चामल लिएर आउन आग्रह गरेको थापामगरले बताइन् । पत्रकारितामा क्रियाशिल अनिता थापामगर पछिल्लो समयमा समाजसेवामा समेत सक्रिय रहेकी छिन् ।
यो बारेमा तपाईको प्रतिकृया