रामेछाप- विश्वभरीका विभिन्न मुलुकमा महामारीको रुपमा फैलिई रहेको कोरोना भाईस नियन्त्रणको लागि नेपाल सरकारले २०७६ चैत्र ११ गते देखि २०७७ बैशाख १५ गते सम्म लकडाउन लगाएको छ । लकडाउनले दैनिक मजदुरी गरेर जीवन निर्वाह गर्ने विपन्न परिवारका सदस्यहरुलाई निकै कष्ट बनाएको छ ।
यसरी लामो समय देखिको लकडाउनका कारण दैनिक जीवन यापनका लागि समस्यामा परेका विपन्न परिवारलाई जेसिज रामेछापले खाद्यन्न उपलब्ध गराएको छ । बुधबार लिखुतामाकोशी गाउँपालिका वडा नम्बर ६ खिम्तीका २७ घरपरिवारलाई जेसिज रामेछाप र पौरखी महिला समाज खिम्तीले संयुक्त रुपमा खाद्यन्न उपलब्ध गराएको हो ।
जेसिज रामेछापका कार्यकारी उपाध्यक्ष जीवन कार्कीले भन्नुभयो– ‘यतिबेला कोरोना भाइरस नियन्त्रणको लागि लगाईएको लकडाउनले विपन्न घरपरिवारलाई निकै समस्या छन, उहाँहरुको समस्यालाई मध्यनजर गर्दै स्थानीय सरकारसँग समन्वय गरेर जेसिज रामेछाप र पौरखी महिला समाजले केही समयका लागि पुग्ने खाद्यन्न उपब्ध गराएका छौँ ।’
यसरी उपलब्ध गराईएको खाद्यन्नमा प्रति परिवार एक बोरा चामल, दाल, नुन र तेल रहेको कार्यकारी उपाध्यक्ष कार्कीले बताउनुभयो । जेसिज रामेछापले २२ परिवार र पौरखी महिला समाजले ५ गरी २७ घरपरिवारलाई उपलब्ध गराइएको हो ।
लिखुतामाकोशी गाउँपालिका वडा नम्बर ६ का वडाध्यक्ष शिव न्यौपाने, वडा सदस्य शेर बहादुर थापा, काँग्रेस नेता पदम माझी, जहानसिंह खत्री, भुवन कुमार कार्की, जेसिज रामेछापका सदस्य, स्थानीय युवा लगायतको सहभागितामा भौगोलिक दुरीलाई कायम गरी वितरण गरिएको पनि कार्कीले बताउनुभयो ।
यो बारेमा तपाईको प्रतिकृया