मन्थली, ११ असार । रामेछापको मन्थली नगरपालिका स्थीत सेलेघाटमा सम्पन्न तेस्रो राष्ट्रिय माझी डुंगा ( लाउ ) दौड प्रतियोगितामा सुनसरी प्रथम भएको छ ।
उक्त प्रतियोगिताको सिंगल बिधा तर्फ सुनसरीका चन्द्र माझि र जिवन माझीले ३ मिनेट ३ सेकेन्डमा डुंगालाई नदि वारपार गराई प्रथम भएका हुन् भने ३ मिनेट १२ सेकेन्डमा नदि वारपार गरी ओखलढुंगाका कमल माझी र कुशल माझीले द्वितिय स्थान हासिल गरेका थिए । त्यसैगरी ३ मिनेट १६ सेकेन्डमा नदि वारपार गरी रामेछाप मसानटारका सुनिल माझी र उर्बे माझीले तृतिय स्थान हासिल गरेका थिए ३ मिनेट २४ सेकेन्ड मा नदि वारपार गरी सिन्धुली खाँङसाङका पेशल माझी र डिल्ले माझीले सान्वना पुरस्कार प्राप्त गरेका थिए ।
त्यसैगरी डवल बिधा तर्फ २ मि ४४ सेकेन्डमा डुंगालाई नदि वारपार गराई सुनसरीको समुह प्रथम भएको छ भने २ मिनेट ५० सेकेन्डमा डुंगालाई वारपार गराई रामेछाप राताटारको समुह ले द्धितिय स्थान हासिल गरेको छ । त्यसैगरी २ मिनेट ५१ सेकेन्ड लगाई वारवार गरेबापद ओखलढुंगाले तेस्रो पुरस्कार हासिल गरेको छ भने सुनसरी ए ले २ मिनेट ५३ सेकेन्डमा नदि वारपार गरी सान्त्वना स्थान हसिल गरेको छ ।
उक्त प्रतियोगिताको सिंगल बिधामा २ जना र डबल बिधामा ४ जनाको समुह रहेका थिए । उक्त प्रतियोगितामा रामेछाप सिन्धुली,दोलखा,सुनसरी र ओखलढुँगा जिल्लाका खेलाडीहरुको सहभागिता रहेको थियो ।
प्रतियोगितामा ५ वटा जिल्लाका डवल विधा तर्फ २९ समुह र सिङ्ल विधा तर्फ २६ समुहको सहभागिता रहेको नवराज माझिले जानकारी दिनुभयो । बिजयी प्रतियोगिहरुलाई पुरस्कार र प्रमाणपत्र समेत बितरण गरिएको थियो ।
उक्त खेल अन्र्तगत खेलाडीहरुले प्रतिस्पर्धाका आधारमा डुंगालाई सेलेघाट स्थीत तिन नदिको संगम त्रीवेणीको वारी किनार वाट पारी पुर्याई पुन वारीनै ल्याउनुपर्ने प्रावधान रहेको थियो ।
माझी समुदायको परंपरागत पेशाको रुपमा पहिचान बनाएको डुंगा ब्यवसायलाई राष्ट्रिय खेलकुद परिषदले राष्ट्रिय खेलका रुपमा मान्यता दिए संगै हरेक बर्ष यो प्रतियोगिताको आयोजना हुँदै आएको छ ।
प्रतियोगिताको उद्घाटन् वागमती प्रदेशकी खेलकुद मन्त्री रमा आलेले गर्नु भएको थियो ।
यो बारेमा तपाईको प्रतिकृया