१८ भदौ, २०७६
रामेछाप– हिमाल आरोहण जस्तो सहासिक काममा निजामती कर्मचारीले चासो देखाएका छन् । रुकुम जिल्ला घर भई हाल रामेछापको सुनापति गाउँपालिकाको आर्थिक प्रशासन शाखामा कार्यरत बम बहादुर वि.क. महालेखा नियन्त्रक कार्यालय अन्तर्गत लेखा समूहबाट पहिलो पटक हिमाल आरोहण गरी उक्त समूहमा पहिलो किर्तीमानी कायम गर्ने पक्षमा हुनुहुन्छ ।
यस अघि उक्त समूहमा कार्यरत कुनै पनि कर्मचारीले सफल हिमाल अरोहण गरेका छैनन् । हिमालय पर्वत श्रेणीमा पर्ने गोरखा जिल्लामा रहेको ८ हजार १ सय ६३ मिटर अग्लो मनास्लु हिमाल सफल रुपमा आरोहण गर्ने सम्पूर्ण तयारी पुरा गरेर विदेशी सहित दुई दल गोरखा तर्फ लागेको विकले जानकारी दिनुभयो । नेपालको सातौ तथा विश्वको आठौँ अग्लो हिमालका रुपमा परिचित मनास्लु हिमाल आरोहणमा सफलता हासिँल गरिसके पछि सगरमाथा हिमालको समेत आरोहण गर्ने आफ्नो इच्छा रहेको उहाँले बताउनुयो ।
रुकुमको सानोभेरी गाउँपालिक-१० अर्माडाँडामा जन्मिनु भएका विकले पछाडी पारिएका समुदायले पनि विभिन्न सहासिक काम गर्न सक्छन भन्ने कुरालाई प्रमाणि गर्न पनि आफूले हिमाल आरोहण गर्न लागेको बताउनुभयो । मनास्लु हिमाल आरोहण ३४ दिनमा पुरा हुने र त्यसका लागि भदौ १८ गते देखि आफ्नो यात्रा तय भएको पनि उहाँले बताउनुभयो ।
यो बारेमा तपाईको प्रतिकृया