मन्थली,१८ भदौ । नेपाली काँग्रेसका पूर्व महामन्त्री एबं वर्तमान संघिय सांसद डा. शशांक कोइराला रामेछापको मन्थली आउदै हुनुहुन्छ ।
११० औं वि.पी.जन्म जयन्तीको अवसर पारेर नेपाली काँगे्रस जिल्ला कार्यसमिति रामेछापले आयोजना गरेको “वि.पी.कोइराला र वर्तमान राजनीति” विषयक विचार गोष्ठि लाई सम्बोधन गर्न उहाँ मन्थली आउन लाग्नु भएको हो ।
मन्थलीको भैसेश्वरमा रहेको वि.पी.स्मृति भवनमा यहि भदौ २४ गते हुन गइरहेको उक्त कार्यक्रममा नेपाली काँग्रेसका जिल्ला कार्यसमितिका पदाधिकारी एवं सदस्यहरु, महाधिवेशन प्रतिनिधि पूर्व कार्यसमितिका पदाधिकारी एवं सदस्यहरु पूर्व महाधिबेशन प्रतिनिधिहरु, दुवै क्षेत्रिय कार्य समितिका पदाधिकारी एवं सदस्यहरु आठ वटै पालिकाका पदाधिकारी एबं सदस्यहरु विभिन्न भातृ संगठनका प्रमुख एबं प्रतिनिधि लगाएतको सहभागितामा हुन गइरहेको उक्त कार्यक्रम भब्य रुपमा सम्पन्न गर्ने तयारी भैरहेको नेपाली काँग्रेस जिल्ला कार्य समितिका सचिब दीपक खड्काले जानकारी दिनुभयो । स्व.कोइरालाको जन्म जयन्ती यहि भदौ २४, २५ र २६ गते विबिध कार्यक्रमका साथ मनाउने तयारी जिल्ला कार्य समितिले गरेको छ ।
यो बारेमा तपाईको प्रतिकृया