मन्थली,२५ बैशाख । अन्तराष्ट्रिय रेडक्रस दिवस आज रामेछापको मन्थलीमा पनि मनाइएको छ । “मानवताका लागि एकबद्ध होऔं” भन्ने मुल नाराका साथ नेपाल रेडक्रस सोसाइटी रामेछाप शाखाले रेडक्रसका प्रवर्तक हेनरी ड्युनाको फोटोमा माल्यार्पण गरी मनाएको हो ।
सो अबसरमा रेडक्रस रामेछापका सभापति शिबकुमार कार्की, मन्त्री दुर्गा बहादुर श्रेष्ठ सहितका पदाधिकारी एबं जिल्ला कार्य समितिका सदस्यहरु समेतले माल्यार्पण गर्नुभएको थियो ।
अन्तराष्ट्रिय रेडक्रस अभियानका प्रवर्तक हेनरी डुनाको जन्म दिनलाई हरेक वर्ष ८ मे का दिन अन्तराष्ट्रिय रेडक्रस दिवस मनाउने गरिन्छ । उनको जन्म १८२८ मे ८ (आजकै दिन) भएको थियो ।
मानवता,निष्पक्षता र तटस्थता,स्वधिनता, ऐच्छिक सेवा एकता,विश्व ब्यापकताको मूलभूत सिद्धान्तमा आधारीत रहेर स्वतन्त्र मानवीय संस्थाका रुपमा रेडक्रसको जन्म भएको थियो ।
यो बारेमा तपाईको प्रतिकृया