रामेछाप न.पा.काे खर्च ६८.७ प्रतिशत मात्र

मन्थली,२८ असार । रामेछाप जिल्लाकाे रामेछाप नगरपालिकाकाे तेस्राे चाैमासिक सम्म कुल ६८.७ प्रतिशत मात्र खर्च भएकाे छ । अाईतबार साे पालिकाले अायाेजना गरेकाे अार्थिक बर्ष २०८२/८३ काे तेस्राे चाैमासिक अबधि सम्म रामेछाप नगरपालिकाकाे कार्यालयबाट सन्चालन भए गरेका कार्य र सेवा प्रबाह बिषयक सार्वजनिक सुनुवाइ कार्यक्रमका अवसरमा पालिकाका प्रमुख प्रशासकिय अधिकृत गंगालाल सुबेदीले जानकारी गराउनु भएकाे हाे । चालू तर्फ कुल बिनियाेजित बजेट रू ८५ कराेड ३६ लाख ८७ हजार ८ सय ७१ मध्ये चालू तर्फ ४३ कराेड ५५ लाख ८७ हजार ८७ रूपैया र पूँजीगत तर्फ १५ कराेड ९ लाख २३ हजार ६ सय पैतालिस रूपैया गरि कुल ५८ कराेड ६५ लाख,१० हजार ७ सय ३२ रूपैया खर्च भएकाे उहाले बताउनुभयाे । जस मध्ये चालू तर्फ ८४.३६ र पुजिगत तर्फ ४४ .७४ प्रतिशत खर्च गरि कुल ६८.७ प्रतिशत खर्च भएकाे अधिकृत सुवेदीले जानकारी दिनुभयाे । साे अवसरमा स्थानीय नागरिकहरूले साेधेका प्रश्नहरूकाे जवाफ नगर प्रमुख लवश्री न्याैपाने र प्रमुख प्रशासकिय अधिकृत सुबेदी,नगर प्रबक्ता समीर कार्की र सम्बन्धित शाखा प्रमुखहरूले दिनुभएकाे थियाे ।