रामेछाप– कोभिड–१९ सँग सम्बन्धीत बिषयलाई लिएर कसैले गैर कानूनी र अमानवीय कार्यगरे जिल्ला प्रशासन कार्यालय रामेछापले कार्वाही गर्ने भएको छ ।
विश्वव्यापी रुपमा फैलिएको कोभिड–१९ को महामारीलाई नियन्त्रण गर्न सरकारले लकडाउन गरिरहेको बेला केहि स्थानहरुमा अग्रपक्तिमा रहेर कामगरिरहेका ब्यक्तिहरु माथि गैरकानूनी र अमानवयि कार्य भैरहेको भन्दै जिल्ला प्रशासन कार्यालय रामेछपले यस्ता कृयाकलाप नगर्न अनुरोध गरेको हो ।
जिल्ला प्रशासन कार्यालय रामेछापका प्रशासकिय अधिकृत भाष्कर दाहाल द्धारा हस्ताक्षरित सूचनामा विश्वव्यापी रुपमा फैलिएको कोभिड–१९ का कारण नेपालमा पनि संक्रमण पुष्टि हुने दर तथा मृत्यदरमा वृद्धि भई रहेको र यस जिल्ला भित्र पनि संक्रमणको दर वृद्धि भई रहेको हामी सबैलाई अवगत नै छ । यस्तो महामारीको रोकथाम तथा नियन्त्रणमा अग्रपंङ्तिमा खटिने स्वास्थ्यकर्मी,सुरक्षाकर्मी,राष्ट्रसेवक कर्मचारी,जनप्रतिनिधि,सञ्चारकर्मी,समाजसेवीहरू र यस कार्यमा खटिने व्यक्तित्वहरुको भूमिका उल्लेखनिय र सम्मानयुक्त भएको देखिएको कुरा उल्लेख गरिएको छ ।
मंगलबार जारी गरिएको उक्त सूचनामा यस महामारीको रोकथाम तथा नियन्त्रणमा अग्रपङ्तिमा खटिने स्वास्थ्यकर्मी,सुरक्षाकर्मी, राष्ट्रसेवक कर्मचारी, संक्रमित व्यक्ति र निजका परिवार माथि विभिन्न ठाउमा उछृङ्खल समूह र व्यक्तिबाट दुरबेवहार र अपमानजनक क्रियाकलाप भएको भन्ने कुरा विभिन्न सूचना तथा सञ्चार माध्यम मार्फत सार्वजनिक भएकोमा त्यस्ता गैरकानूनी, अमानविय र अपमानजनक कार्य हुन र गर्न नदिन सम्बन्धीत सबैमा अनुरोध गर्दै उल्लेखित कार्यहरु भए गरेको पाईएमा प्रचलित कानून बमोजिम कार्वाही गरिने व्यहोरा समेत उल्लेख गरिएको छ ।
यो बारेमा तपाईको प्रतिकृया