पत्रकार घिसिङ प्रेस चौतारी पत्रकारिताबाट सम्मानित

रामेछाप । पत्रकार युनिक विफा घिसिङ प्रेस चौतारी नेपाल विशेष पत्रकारिता पुरस्कार २०७९ बाट सम्मानित तथा पुरस्कृत हुनुभएको छ । उहाँलाई प्रेस चौतारी नेपालले आफनो २५ औँ स्थापना दिवसका अवसरमा आइतबार मन्थलीमा आयोजित कार्यक्रमका अबसरमा पुरस्कृत गरेको हो । घिसिङलाई कार्यक्रमका प्रमुख अतिथि नेकपा एमाले केन्द्रीय सदस्य माधव ढुङ्गेललेले सम्मान पत्र, दोसल्ला र नगद सहित सम्मान गर्नुभएको हो ।
तामाकोसी अनलाइन डटकमका प्रधान सम्पादक र रेडियो ईनर्जिमा समेत आबद्ध घिसिङले जिल्लामा क्रियाशिल पत्रकारीता मार्फत समाज विकासमा समेत सहयोग पुर्याउँदै आएको भन्दै पुरस्कृत गरिएको प्रेस चौतारी नेपाल रामेछापले जनाएको छ ।
कार्यक्रमको उद्घाटन गर्दे नेकपा एमाले केन्द्रीय सदस्य माधव ढुङ्गेलले नेपालको राजनितिक परिवर्तनमा पत्रकारहरुले पुर्याएको योगदानको प्रशंसा गर्दे पत्रकारहरुको भूमिका सुसासन र समाज विकास तर्फ उन्मुख हुनु पर्ने बताउनु भयो । ढुङ्गेलले जनताको भावना सम्बोधन गर्ने नसक्ने पार्टी र संस्था नागरिकबाट अस्वीकृत हुने भएकोले एस तर्फ पत्रकार र राजनितिकर्मिहरु पनि गम्भिर हुनु पर्ने बताउनुभएको छ । उहाँले पछिल्लो समयमा निर्वाचन खर्च भड्किलो भएकैले पनि भ्रष्टाचार बढेको भन्दै त्यसलाई रोक्नका लागि पनि संचार माध्यमको अहं भूमिका हुनु पर्ने वताउनु भयो ।
सुशासन, लोकतन्त्रको गहना भएको भन्दै ढुङ्गेलले शुसासनको संस्थागत विकासमा पनि पत्रकारहरु उत्तिकै जिम्मेवार हुनु पर्ने भन्दै पछिल्लो समयमा चुनावमा हुने अत्यधिक खर्चले विकृति बढाउँदै लगेको दावि गर्दे उहाँले यसको नियन्त्रणका लागि राजतिनिक दलका नेता र विज्ञहरु सहित सम्मिलित बहस चलाउन जरुरी रहेको उहाँले बताउनुभयो ।
प्रेस चौतारी नेपालका जिल्ला अध्यक्ष नबराज श्रेष्ठको अध्यक्षतामा भएको उक्त कार्यक्रममा मन्थलीका प्रमुख लव श्रेष्ठ, नेकपा एमालेका उप सचिब प्रकाश कार्कि, मन्थली नगर कमिटिका अध्यक्ष रामबावु घिमिरे,नेपाल पत्रकार महासंघ बागमति प्रदेशका कोषाध्यक्ष रमेश ढुँगेल लगाएतका बक्ताहरुले संस्थाको स्थापना दिवसको अबसरमा शुभकामना पनि दिनु भएको थियो ।