रामेछाप,२८ माघ । मन्थली अस्पतालले शनिबार विधिध कार्यक्रम गरि आफ्नो प्रथम बार्षिक उत्सब मनाएको छ । मन्थली प्राथामिक स्वास्थ्य केन्द्रबाट मन्थली अस्पतालमा परिणत भएको एक वर्ष पुरा भएको अबसर पारेर अस्पतालले प्रथम बार्षिक उत्सब मनाएको हो ।
उक्त अस्पताल ब्यवस्थापन समितिको आयोजनामा शनिवार विहान प्रथम चरणमा मन्थलीको भैसेश्वर चोक देखि भुत्याहा खोला स्थित तामाकोसी नदिको पुल सम्म गरेको खुल्ला म्याराथुन दौड प्रतियोगितामा करिब १ सय जना जति सहभागि भएका थिए । प्रतियोगिताको आरम्भ वार्षिकउत्सबको उद्घाटन् प्रदेश सभा सदस्य आनन्द श्रेष्ठले गर्नु भएको थियो । बार्षिक उत्सबकै अबसर पारेर अस्पतालले शनिबार बाटै दाँत र फिजीयोथेरापी सेवा समेत आरम्भ गरेको छ ।
सो अबसरमा मन्थली नगरपालिकाका प्रमुख लब श्रेष्ठ लगाएतका जन प्रतिनिधिहरु समेतको सहभागिता रहेको थियो कार्यक्रममा खेलाडीहरु ,सैना,प्रहरि, र कर्मचारीहरु समेत सहभागि भएका थिए । म्याराथुनमा प्रथम,द्धितिय र तृतिय हुने महिला र पुरुषहरुलाई छुट्टै नगद र प्रमाण पत्र नगद पुरस्कार प्रदान गरिएको थियो । सोहि अबसर पारेर शुक्रबार आयोजकले अस्पतालमा भएका बिरामीहरुलाई फलफुल बितरण गरेको थियो ।
स्थापना दिवसका अबसर पारेर अस्पतालका मेडिकल सुपरिटेण्डेन डाक्टर समिर क्षेत्रीले अस्पतालले हाल सम्म नागरिकहरुलाई पुर्याएको सेवा र सुविधा अनि गुणस्तरका बारेमा समेत जानकारी गराउनु भएको थियो । उहाँले बजेटको सिमितताका बाबजुद पनि अस्पताल र स्वास्थ्य कर्मिले अस्पतालबाट गुणस्तरिय सेवा पुर्याएको भन्दै त्यसका लागि नगरपलिका लगाएतका सबै सरोकारवालाहरुलाई धन्यवाद दिनु भएको थियो ।
कुल १५ सैया मार्फत अनुभवी चिकित्सक द्वारा नागरिकहरुलाई सबै खालको सेवा दिनुका साथ दाँत र फीजियो थेरापी जस्ता सेवा पनि आजबाटै शुरु गरिएको जानकारी पनि सो अबसरमा गराईएको थियो । सोहि अबसर पारेर मन्थली अस्पताले शुक्रवार मन्थली अस्पतालमा रहेका बिरामीहरुका लागि नगर प्रमुख लब श्रेष्ठको हातबाट फलफुल बितरण गरेको थियो ।
यो बारेमा तपाईको प्रतिकृया