रामेछाप अस्पतालमा मृगौला रोगिलाई डाइलोसिस सेवा

रामेछाप १२ । आफनो सेवालाई अब्बल बनाउँदै आएको जिल्ला अस्पताल रामेछापले पहिलो पटक डाइलोसिस सेवा आरम्भ गरेको छ । लामो समय देखि जिल्ला अस्पतालको रुपमा सेवा दिंदै आएको अस्पताल प्रदेश सरकारको मातहतमा गएसंगै ब्यबस्थित बन्दै जाँदा जिल्ला अस्पतालमा उक्त सेवा आरम्भ भएको हो । सेवा आरम्भ भएसंगै यसबाट सर्वसाधारणलाई सहज हुने अपेक्षा गरिएको छ ।
हाल जिल्ला सदरमुकाममा रहेको तामाकोसी अस्पताल र मन्थली अस्पतालले डायलायसिस सेवा दिंदै आएको भएपनि जिल्ला अस्पतालमा भने यो सेवा पहिलोपटक आरम्भ भएको हो । स्तरिय भबन संगै विरामीहरुका लागि अत्याधुनिक प्रविधि संगै सैया सौचालय लगायतका सल्यक्रिया सेवा, आँखा र दाँत लगायतको सेवा प्रवाह गर्दे आएको छ ।
जिल्लामा डाईलोसिस सेवा अपुग भएका कारण मिर्गौला रोगबाट पीडितहरूले विगतमा डाइलासिसका लागि काठमाडौँ र धुलिखेल धाउनु पर्न बाध्यता हटेको अस्पतालका मेडिकल सुपरिटेन्डेन्ट डा.गगन अधिकारीले जानकारी दिनु भयो ।
उक्त सेवाका लागि डा अधिकारी सहित डा.भूषण सुवेदी, डा.पवन खत्री र नर्सिङ इन्चार्ज यशोदा बरालसहितको टोली खटिएको पनि अस्पतालले जनाएको छ । यो सेवा सुचारु गर्नको लागि आवश्यक पाँच वटा मेसिनको व्यवस्था गरिएको पनि डा अधिकारीले जानकारी दिनुभयो । अस्पतालले दैनिक दुई जना बिरामीको मात्र डायलायसिस गर्न सक्ने छ ।