रामेछाप कारागारमा दर्जिको मृत्यु

रामेछाप – जिल्ला कारागार रामेछापमा थुनामा रहेका एक कैदबन्दीको निधन भएको छ । उनको शुक्रबार रामेछाप कारागारले उपचार गर्दे गर्दा जिल्ला अस्पताल रामेछापमा शुक्रबार विहान मृत्यु भएको हो । मृत्यु हुनेमा लिखु गाउँपालिका ५ का ५२ बर्षिय वीरे भन्ने वीर बहादुर दर्जि रहेका छन् ।

कर्तव्य ज्यान मुद्धामा पुर्पक्षको लागि रामेछाप कारागारमा रहेका दर्जिको उपचारको क्रममा शुक्रबार मृत्युु भएको कारागार कार्यालय रामेछापका प्रमुख रुपलाल तामाङले जानकारी दिएका छन् । शुक्रबार दर्जिलाइ अचानक पेट दुखेपछि उपचारका लागि जिल्ला अस्पताल रामेछाप लगिएको र सो क्रममा उनको अस्पतालमानै मृत्यु भएको पनि तामाङले बताए ।
मृतक दर्जीलाई कर्तव्य ज्यान मुद्धामा रामेछाप जिल्ला अदालतले २०७९ फागुन ४ गते पुर्पक्षको लागि कारागार पठाउने आदेश दिएको र सोहि आदेश पछि दर्जि विगत १ महिना १९ दिन देखि कारगारमा थुनुवा जीवन विताउँदै आएका थिए ।