रामेछाप,२ असार । पार्किङ्ग गरी राखेको ट्रक गुडेर घर भित्र पसेपछि उक्त घरका धनी राम बुढाथोकीले आफनो क्षतिपुर्ति माग सहित जिल्ला प्रहरी कार्यालयमा उजुरी दर्ता गराएका छन् ।
विहिवार राति कारिव १० बजे तिर युरिया मल लोड गरेर राखिएको ना ५ ख ७४३१ नम्बरको ट्रक मदन आश्रीत चोक नजिकैको स्थानीय रामबहादुर बुढाथोकीको घरको सटर र पिल्लर समेत भत्काएर भित्र पसेपछि त्यसको क्षतिपुर्ति माग गर्दै बुढाथोकीले उजुरी दर्ता गराएका हुन् ।
पर्किङ्ग गरी राखेको ट्रकमा चालक र सहचालक दुबै नरहेको र नजिकै पाकिङ्ग गरेर राखेको ट्रक ब्याक साईटबाट गुडेर सटर र घरको पिल्लर भत्काउँदै घर भित्र पसेको थियो । उक्त घटना पछि घरधनी राम बहादुर बुढाथोकीले जिल्ला प्रहरी कार्यालयमा जाहेरी दिएका थिए ।
रातिको समयमा भएको हुनाले उक्त दुर्घटनामा मानवीय क्षतिभने हुन नपाएको भएपनि आफ्नो घरमा भने क्षति पुगेको घरधनी राम बुढाथोकिले बताउनुभयो ।
बुढाथोकीले प्रहरीमा दिएको उजुरीमा ट्रकले पुर्एको क्षति पूर्तिको माग दावि समेत गरेका छन् । उहाले दिएको उजुरीका आधारमा जिल्ला प्रहरी कार्यालय रामेछापले ट्रक र चालक समेतलाई नियन्त्रणमा लिएर आवश्यक अनुसन्धान प्रक्रिया अगडि बढाएको प्रहरीले जनाएको छ ।
यो बारेमा तपाईको प्रतिकृया