रामेछाप १५ असार । मन्थली नगपालिका वडा नं १ मा रहेको भैसेश्वर सामुदायिक खानेपानी तथा सरसफाइ समितिको नव निर्मित भवनको शुक्रवार औपचारिक र भव्य कार्यक्रमका बिच उद्घाटन गरिएको छ । भवनको उद्घाटन सत्रमा वास्तु शास्त्र विधि अनुसारको पूजा आज पनि गरिएको थियो । उक्त भवनको उद्घाटन मन्थली नगरपालिका प्रमुख लव श्रेष्ठले गर्नु भएको हो ।भवनको उद्घाटनमा गुरु पुरोहितबाट स्वस्ति वाचन,पन्चकन्याद्धारा माला र स्वागत अनि पञ्चेबाजा टोलीले पञ्चेबाजा बजाएर कार्यक्रमलाई उत्सवमय बनाउनु भएको थियो ।
उपभोक्ता समितिका पदाधिकारीको सक्रियता र खानेपानी तथा सरसफाइ डिभिजन कार्यालय बागमती प्रदेश मन्थलीको समेत गरी करिब १ करोड रुपैयाँको आर्थिक सहयोगमा ६ कोठे भवनको निर्माण गरिएको छ । भवनको उद्घाटन गर्दे प्रमुख अतिथि श्रेष्ठले भैसेश्वर सामुदायिक खानेपानी तथा सरसफाइ समितिको नव निर्मित भवनको उद्घाटन गर्न पाएकोमा धन्यवाद दिनुभयो ।
उहाँले भैसेश्वर खानेपानी ले आफ्ना उपभोक्ताहरूका लागि उल्लेख्य रूपमा गरेको योगदानको प्रशंसा पनि गर्नु भयो । उहाँले नमुना व्यवस्थापन र आर्थिक पारदर्शिता अनि सबै पक्ष सँग गरेको मसिनो समन्वयकै कारण उसले छोटो समयमा आफ्नो भवन बनाउन सकेको भन्दै यसका लागि समितिका पदाधिकारिहरुलाई धन्यवाद पनि दिनु भयो ।
सो अवसरमा प्रमुख श्रेष्ठले तामाकोसी नदिबाट लिफट सिस्टमबाट तानेको पानी उपभोक्ताहरूले निशूल्क खाने सम्मको व्यवस्था हुनु यसको अर्को प्रशंसा गर्न लायकको काम भन्दै यसको थप सुधार र विकासका लागि नगरपालिकाले पनि सहयोग गर्ने आश्वासन पनि दिनु भयो ।
कार्यक्रमका अवसरमा बोल्दै सहयोगी खानेपानी तथा सरसफाइ डिभिजन कार्यालय बागमती प्रदेश मन्थलीका प्रमुख डिई हुपेन्द्र राज जोशीले भैसेश्वर सामुदायिक खानेपानी तथा सरसफाइ समितिले राम्रो र पारदर्शी तरिकाले काम गरेको र उक्त कामबाट आफू पनि उत्साहित भएको बताउनु भयो । अरू खानेपानी योजनाहरूको तुलनामा यसले आफूलाई नमुना योजनाका रूपमा विकास गरेको र कार्यालयले पनि यसलार्ई नमुना योजनाकै रूपमा प्रदेशमा सिफारिस गरिने पनि बताउनु भयो ।
समितिका अध्यक्ष टीका राम श्रेष्ठको अध्यक्षतामा भएको उक्त भवन उद्घाटन समारोहमा संस्थाको साङ्गठनिक र आर्थिक प्रतिवेदन संस्थाका कोषाध्यक्ष सिताराम कार्कीले पेस गर्नु भएको थियो । सो अवसरमा उहाँले झोला र चौताराबाट सुरु भएको समितिको यात्रा आलिसान भवन सम्म आईपुग्नुमा खाने पनि डिभिजन कार्यालय, समाजका अगुवा, समितिका पूर्व र वर्तमान पदाधिकारी तथा आम उपभोक्ताहरूको उत्तिकै योगदान रहेकै कारण पनि भवन बन्न सफल भएको बताउनु भयो । उहाँले लामो सङ्घर्ष पछि संस्था आफ नै भवनमा सरेकोमा पदाधिकारी र आम उपभोक्तालाई धन्यवाद पनि दिनु भयो ।
सो अवसरमा कोषाध्यक्ष कार्कीले आफ्ना संस्थागत र व्यक्तिगत गरी हाल १ सय ९१ घर धुरीले स्वच्च खाने पनि प्रयोग गर्दे आएको जानकारी गराउनु भएको थियो । कार्कीले स्वच्छ खानेपानी, गुणस्तरीय काम र पारदर्शी कारोबारका आधारमा संस्थाले काम गर्दे आएको जानकारी पनि गराउनु भयो । जस अनुसार भैसेश्वर खापाले हाल न्यूनतम मासिक ११ हजार लीटर सम्म पानी खपत गर्ने उपभोक्ताहरूका लागि निशुल्क पानी खुवाउँदै आएको र आगामी वर्षबाट यसको दायर अरू थप गरिने जानकारी पनि कार्कीले गराउनु भयो ।
कार्यक्रमका खानेपानी योजना र भवन निर्माण सम्म आईपुग्दाका असल, कुशल र सफल व्यवस्थापनका लागि विभिन्न विधामा सहयोग गर्नु हुने समिति र समाजका विभिन्न महानुभावलाई प्रमुख अ थितिले सम्मान पत्र र दोसल्ला ओढाएर सम्मान गर्नु भएको थियो । कुल ४८ लाख ८८ हजार ८ सय ३१ रुपैयाँको अचल कोष रहेको संस्थाको वार्षिक सन्तुलन परीक्षण १ करोड ६४ लाख ४३ हजार ३ सय ८७ रुपैयाँ रहेको छ ।
यो बारेमा तपाईको प्रतिकृया