रामेछाप २५ असार, रामेछाप । सोमबार भएको नगर उद्योग वाणिज्य सङ्घ रामेछापको आठौँ साधारण सभा तथा तेस्रो अधिवेशनले रामेछाप नगर उद्योग वाणिज्य सङ्घको अध्यक्षमा अमित तामाङको नेतृत्वमा नयाँ कार्य समिति सर्व सहमतिले चयन भएको छ ।
अधिवेशनले सङ्घको वाणिज्य उपाध्यक्षमा रवीन्द्र श्रेष्ठ, उद्योग उपाध्यक्षमा देवबहादुर श्रेष्ठ र महासचिवमा रत्नबहादुर नेवार, कोषाध्यक्षमा धनराज खड्कालाई चयन गरेको छ ।
त्यस्तै एसोसियट सदस्यमा चुक्तबहादुर मगर र सुधीर कार्की चयन भएका छन् भने खुल्ला सदस्यमा डम्बरबहादुर श्रेष्ठ, गोविन्दबहादुर बस्नेत, तुलसा कार्की सर्व सम्मत बनेका छन् । नगरभित्रका व्यवसायी हरुको हक हितको लागि काम गर्दै आएको नगर उद्योग वाणिज्य सङ्घले आफ्नो विधान अनुसार साधारण सभा मार्फत नेतृत्व चयन गरेको हो ।
अधिवेशनमा रामेछाप नगरपालिका प्रमुख लव श्री न्यौपाने, वडा नं ८ का अध्यक्ष सन्तोष तामाङ, उद्योग अधिकृत सुबोध कुमार साह कर्मयोगी,रामेछाप उद्योग वाणिज्य सङ्घका रामेछापका अध्यक्ष नवीन थापा मगर, महासचिव कुमार श्रेष्ठ, लगायतको उपस्थिति रहेको उक्त कार्यक्रमको अध्यक्षता निवर्तमान अध्यक्ष शम्भु कुमार श्रेष्ठले गरेका थिए ।
यो बारेमा तपाईको प्रतिकृया