रामेछाप ३ साउन । जिल्लाको शैक्षिक विकासमा उत्कृष्ट सेवा पुर्याउँदै आएको कर्कलादेवी ईङलिस बेडिङ स्कुल (केब्स स्कुल )मन्थलीले ईनोभेटीव अवार्ड प्राप्त गरेको छ । सिङ्गापुर र मलेसियामा सम्पन्न एक औपचारिक कार्यक्रमका बिच मुख्य अवार्ड समारोह मलेसियाको स्विस गार्डेन इन्समा भएको कार्यक्रममा केब्सलेउक्त अवार्ड प्राप्त गरेको हो ।
एक्सटो एजुकेसन इन्टरनेसनल अष्ट्रेलियाको आयोजनामा भएको एक्सो ईन्टरनेसनल एक्स्लेन्स अवार्ड सिङ्गापुर २०२३ अन्तर्गत केब्स स्कुल मन्थली उक्त अवार्ड पाउन सफल भएको छ । उक्त अवार्ड विद्यालयको तर्फबाट प्रिन्सिपल केशव तिमल्सीनालाई हस्तान्तरण गरिएको हो ।
जिल्लामा उत्कृष्ट शैक्षिक गुणस्तर कायम गर्दै शिक्षा क्षेत्रको विकासमा पुर्याएको योगदानको कदर स्वरूप विद्यालयलाई उक्त अवार्ड प्राप्त भएको कुरा विद्यालयका प्रिन्सिपल केशव तिम्लसिनाले सामाजिक संजाल आफनो फेसबुक मार्फत जानकारी गराउनु भएको छ ।
उहाँले यति ठूलो अन्तर्राष्ट्रिय अ वाडका लागि विद्यालयलाई योग्य बनाउन योगदान, सहकार्य र सहयोग गर्नुहुने सम्पूर्ण पूर्व स्कुल सञ्चालकहरू, व्यवस्थापन समिति, शिक्षक अभिभावक सङ्घ, शिक्षक÷कर्मचारीहरू, विद्यार्थीहरू, अभिभावकहरू, मन्थली नगरपालिका परिवार, विभिन्न शैक्षिक संस्थाहरू, प्याब्सन, पत्रकारहरु तथा सम्पूर्ण शुभचिन्तकहरू समेतलाई हार्दिक सम्मान सहित धन्यवाद समेत दिनु भएको छ ।
यो बारेमा तपाईको प्रतिकृया