रामेछाप १५ साउन । लम्पी स्किन डिजिजको प्रकोपमा सङ्घीय सरकारले खासै ध्यान नदिएको भन्दै नेभ्ला बागमती प्रदेश कमिटीको निर्देशनमा नेभ्ला रामेछापले सोमबार लम्पी स्किन डिजिजको रोकथाम र नियन्त्रणका लागि रामेछापका प्रजिअ श्री अनिता निरौला मार्फत प्रधान मन्त्री तथा मन्त्री परिषद् कार्यालयलाई ज्ञापन पत्र बुझाएको छ । कृषकहरूको हितका लागि उठाइएको ६ बुँदै ज्ञापन पत्रमा बागमती प्रदेशका संयोजक मुकुन्द खड्का र जिल्ला अध्यक्ष रोहिणी राज जैसीले हस्तान्तरण गर्नु भएको छ ।
देशभर फैलिएको लम्पी स्किन रोगका कारण गाई भैसि मरेर कृषकहरू लाई समस्या परेको भन्दै सरकारलाई उपचारका लागि गम्भीर बन्न बन्न आग्रह गर्दे नेभ्ला रामेछापले सोमबार प्रजिअ मार्फत ज्ञापन पत्र बुझाएको हो ।
लामो समय देखि फैलिएको उक्त रोगका कारण सोमबार सम्म रामेछाप जिल्ला भरिमा ३ सय २८ र मन्थली नगमा मात्र करिब ४० वटा गाई भैसि मरिसकेका छन् । रोग लागेपछि बिरामी भई गाई भैसि मर्ने र बचेकाले पनि दूध नदिने हुँदा त्यसबाट कृषकहरूलाई करौडौको क्षति पुगेको छ । रोगले भयावह रूप लिएपछि सरकारले सबै स्थानीय तहका लागि थप १÷१ लाख रुपैयाँ उपलब्ध गराए बाहेक थप चासो नदिएपछि सरकारको ध्यानाकर्षण गराउन आफ्नो सङ्गठनले देश व्यापी रूपमा सबै प्रशासन कार्यालय मार्फत ज्ञापन पत्र बुझाएको नेभ्ला बागमती प्रदेशका अध्यक्ष मुकुन्द कुमार खड्काले जानकारी दिनुभयो ।
यो बारेमा तपाईको प्रतिकृया