रामेछाप १६ भदौ । मन्थली नगरपालिका वडा नं १ सानिमदौ निवासि श्याम सुवेदी र उहाँको परिवारले विभिन्न विद्यालयमा अध्ययनरत विपन्न र जेहनदार छोरीहरूका लागि करिब ७ लाख बराबरको छात्रवृत्ति प्रदान गर्नू भएको छ । आफ्नो परिवारको साथमा उपस्थिति हुनु भएका सुवेदीले मन्थली माविमा एक औपचारिक कार्यक्रम मार्फत १ सय ८३ जना छोरीहरूलाई छात्रवृत्ति सहित शैक्षिक सामाग्री प्रदान गर्नु भएको हो ।
विपन्न र जेहनदार छात्रा शिक्षा हातेमालो कार्यक्रम शीर्षकमा सुवेदीले ८ वर्ष अघि स्थापना गरेको उक्त छात्रवृत्तिको आठौँ वर्ष गाँठोको अवसर पारेर प्रदान गर्दे आउनु भएको छ । जेहनदार छात्रा शिक्षा हातेमालो कार्यक्रम अन्तर्गत नगद,स्कुल पोसाक,झोला कपी र कलम वितरण गर्नु भएको थियो । त्यसका लागि तामाकोसी क्याम्पस खिम्ति बेसीमा अध्ययनरत ४ जना छोरीहरूलाई कपडा, ब्याग र प्रति व्यक्ति १८हजारका दरले नगद रकम उपलब्ध गराइएको हो ।
त्यसैगरि सुवेदीले सहिद स्मृति क्याम्पस मन्थलीमा अध्ययनरत ४ जना,सेतीदेवी मावि सालुका ७ जना,भैरवी मावि सुनारपानिका ७ जना,३२ जना र मन्थली माविमा अध्ययनरत ३२ जना छोरीहरूलाई कपडा, ब्याग र प्रति व्यक्ति १८ हजारका दरले नगद रकम वितरण गरेको हो । छात्रवृत्ति कार्यक्रम अन्तर्गत नगद पाउनेहरूलाई नगद पैसा कपडा र झोला,शैक्षिक सामाग्री तर्फ झोला सट्याकसुटुक,र एक वर्षका लागि कपी र कलम वितरण गरिएको थियो ।
त्यस्तै सेतीदेवी आधारभूत विद्यालय गैराथोकमा अध्ययनरत ३८ जना र पशुपति आधारभूत विद्यालय गेलुका ७५ जना विद्यार्थिहरुका लागि विद्यालय पोसाक पनि वितरण गरिएको आयोजक पक्षले जनाएको छ । छात्रवृत्ति पाउने सबै छोरीहरूका लागि खाने बस्ने र आउने जाने व्यवस्थापन आयोजक आफैले गरेको थियो ।
उक्त शैक्षिक सामाग्री मन्थली माविका पूर्व प्र अ तथा शिक्षाविद् गुन्ज बहादुर श्रेष्ठले वितरण गर्नु भएको थियो । कार्यक्रमका अवसरमा सुवेदी र सुवेदी परिवारका सबैजसो सदस्यहरू सहभागी भएर सहजीकरण गर्नू भएको थियो । कार्यक्रममा नेपाल पत्रकार महासङ्घ, विद्यालय व्यवस्थापन समितिका अध्यक्ष र प्रधानाध्यापक तथा शिक्षक प्रतिनिधिहरूको समेत उपस्थिति रहेको थियो । श्याम सुवेदीको अध्यक्षतामा भएको उक्त कार्यक्रममा प्रमुख अतिथि मन्थली माविका पूर्व प्र अ गुन्ज बहादुर श्रेष्ठले आफ्नो शुभकामना मन्तव्यमा सुवेदी परिवारले हरेक वर्ष विपन्न छात्रवृत्ति लक्षित कार्यक्रम सञ्चालन गरी ठुलो सङ्ख्यामा विद्यालय पढ्ने विपन्न छोरीहरूका लागि ठुलो टेवा र हौसला मिलेको बताउनु भयो ।
यो बारेमा तपाईको प्रतिकृया