रामेछाप । मन्थली नगरपालिका वडा नं २ को कठजोरमा रहेको निलकण्ठेश्वर बचत तथा ऋण सहकारी संस्थाले एक वर्षको अवधिमा ८० हजार रुपैयाँ मुनाफा कमाउन सफल भएको छ । संस्थाको २९ औ साधारण सभाका अवसरमा प्रस्तुत प्रतिवेदनमा सबै खर्च कटाएर उक्त मुनाफा कमाउन सफल भएको जानकारी गराइएको हो ।
१८ औ साधारण सभाको उद्घाटन बागमती प्रदेशका सांसद तारा नारायण श्रेष्ठले ब्यानर पढेर गर्नु भएको थियो । आफ्नो उद्घाटन मन्तव्यका क्रममा प्रमुख श्रेष्ठले निलकण्ठेश्वर सहकारी अभियानमा पुर्याएको योगदानको चर्चा गर्नु हुँदै यसको निरन्तरताको लागि नेतृत्व सँग आग्रह गर्नु भएको थियो । उहाँले निलकण्ठेश्वरलाई सहकारी अभियानमा नीति,विधि र पद्धतिका आधारमा कठजोरले कमाएको गर्विलो र दर्बिलो ईतिहाँस अनुसार नै नेतृत्वलाई काम गर्न आग्रह गर्नु भएको थियो ।
उहाँले सहकारीका सञ्चालकहरूको विश्वासमा सर्व साधारणले खाई नखाई रकम जम्मा गर्ने र उक्त रकम सङ्कट पर्दा खर्च गर्ने हुँदा सञ्चालकहरूलाई यसको मर्यादा जोगाएर काम गर्न पनि आग्रह गर्नु भयो ।निलकण्ठेश्वर कठजोरको गहना भएकोले यसलाई उजिल्याउनका लागि सबैको सहयोग आवश्यक पर्ने पनि प्रमुख अतिथि श्रेष्ठले वताउनु भयो ।
२०५५सालमा २२ जना संस्थापकहरूले ५० रुपैयाँ जम्मा गरी सहकारी अभियान चलाएर समुदायमा रहेका विपन्न नागरिकहरुको आर्थिक र सामाजिक हैसियतमा परिवर्तन गर्ने असल नियत राखेर सञ्चालनमा ल्याएको उक्त साकोसले हाल मन्थली नगरपालिका २ र ३ लाई कार्यक्षेत्र बनाएर काम गर्दे आएको छ । जस अनुसार उसको शेयर पुँजी ४ लाख ७० हजार रुपैयाँ रहेको छ भने कुल संस्थाको कुल पुँजी १ करोड ९० लाख ४ हजार ७७ रुपैयाँ पुगेको जानकारी पनि सो अवसरमा गराइएको थियो ।
यो बारेमा तपाईको प्रतिकृया