रामेछाप १ असोज । नेपाल शिक्षक सङ्घ मन्थली नगर कार्यसमितिले विजया दशमी तथा शुभ तिहार को अवसरमा बुधवार सदरमुकाम मन्थलीमा शुभकामना आदानप्रदान तथा चियापान कार्यक्रमको आयोजना गरेको छ । उसले नेपाली काँग्रेसका सभापति तथा सङ्घीय सांसद पूर्ण बहादुर तामाङलाई प्रमुख अतिथि बनाएर उक्त कार्यक्रम गरेको हो । सो क्रममा उहाँले आम जिल्लावासीलाई शुभकामना दिँदै मेल मिलापका साथ सबैलाई दसैँ मनाउन आग्रह गर्नु भयो ।
प्रमुख अतिथि तामाङले शिक्षक सबै भन्दा जिम्मेवार पर्सन भएकोले आफूले पहिले र अहिले अनि जहिले कहिल्यै पनि शिक्षकको पक्षमा आवाज उठाउने गरेको भन्दै शिक्षकहरूका लागि सेवा सुविधामा वृद्धि गर्नु पर्ने धारणा पनि राख्नु भयो ।
चियापान तथा शुभकामना आदान प्रदान कार्यक्रममा नेपाली काँग्रेसका जिल्ला नेताहरू,जन प्रतिनिधि तथा अन्य भातृ सङ्गठनका प्रमुख र तीनका प्रतिनिधि,विभिन्न शिक्षक घटकका प्रमुख तथा तीनका प्रतिनिधि र सञ्चारकर्मीहरूको समेत उल्लेखनीय रूपमा उपस्थिति रहेको थियो । नेपाल शिक्षक सङ्घ मन्थली नगर कार्यसमिति अध्यक्ष भीम नेपालीले विजया दशमी र तिहार सबैका लागि शुभ चार्डको रूपमा मनाउन पनि आग्रह गर्नु भयो । उक्त चियापान कार्यक्रमका अवसरमा उहाँले कार्यक्रम सञ्चालन गर्न सल्लाह दिनुहुने, सहयोग गर्नुहुने र कार्यक्रममा उपस्थित भई शुभकामना साथसाथै महत्त्वपूर्ण भनाइहरू राखिदिनु हुने सबैलाई धन्यवाद पनि दिनु भयो । उहाँले भन्नु भयो त्यसका लागि नेपाल शिक्षकसँग नगर कार्यसमिति हार्दिक कृतज्ञता तथा धन्यवाद दिन चाहन्छ ।
यो बारेमा तपाईको प्रतिकृया