रामेछाप १ कार्तिक । मन्थली नगरपालिकाले बुधवार सदरमुकाम मन्थली बजारका २४ मासु पसलको अनुगमन गरेको छ । नगर पशु सेवा शाखाको अगुवाइमा बुधवार बिहान मन्थली बजार र आसपासका गरी कुल २४ वटा बजार अनुगमन गरिएको हो ।
अनुगमनका क्रममा तीन वटा मासु पसल दर्ता वीनानै चलेको र अरू ५ वटा मासु पसल भने बन्द थिए । अनुगमनका क्रममा अधिकांश मासु पसलहरूको अवस्था सन्तोषजनक र सुधारोन्मुख रहेको पाइएको टोलीका सदस्य मुकुन्द कुमार खड्काले जानकारी दिनु भयो । अनुगमनका क्रममा अधिकांश मासु पसल सरकारी मापदण्ड भित्रै रहेर चलाइएको थियो । टोलीले विगतको तुलनामा सर सफाइ र मासु भण्डारणको अवस्थामा पनि सुधार भएको पाएको बताइएको छ ।
नगर अनुगमन समितिका संयोजक एवं मन्थली नगर पालिकाका उप प्रमुख ईश्वरी बस्नेतको नेतृत्वमा जिल्लाका सरोकारवाला निकायका संस्थाहरू र तिनका प्रतिनिधिहरू समेतको उपस्थितिमा २ वटा टोली बनाएर मासु पसलहरूको आकस्मिक अनुगमन गरिएको थियो । विजया दशमीको आगमन सँगै चाड वार्डको समयमा ठुलो मात्रामा मासु खपत हुने र त्यति बेला व्यापारीहरूले उपभोक्ताहरूलाई ठगी गर्न सक्ने भएकोले उपभोक्ताहरूको हितका लागि नगरले मासु पसलको छड्के अनुगमन गरेको मन्थली नगरका उप सचिव हेमन्त बुढाथोकीले जानकारी दिनु भयो ।
यो बारेमा तपाईको प्रतिकृया