रामेछाप र सिन्धुली राष्ट्रिय माझी गोल्ड कपको फाइनलमा

रामेछाप २१ कात्तिक । छिमेकि जिल्ला सिन्धुलीमा जारी तेस्रो राष्ट्रिय माझी गोल्ड कप प्रतियोगितामा रामेछाप र आयोजक टीम सिन्धुली जिल्ला फाइनल खेलमा प्रवेश गरेका छन् ।
सोमवार भएको खेलमा सुनसरी जिल्लालाई १–० गोलले हराउँदै रामेछाप जिल्लाको टीम फाइनल खेलमा प्रवेश गरेको छ । रामेछापका नवीन माझीले खेलको ५१ औँ मिनेटमा हानेको गोलनै फाईनल खेलका लागि निर्णायक भएको हो । रामेछापलाई फाइनल खेलमा पुर्याएको हो ।
फाईनल खेलका लागि भएको प्रतिस्पर्धामा रामेछापले बारा जिल्लालाई हराएको थियो । नेपाल माझी उथान सङ्घ सिन्धुलीको आयोजनामा गत कार्तिक १३ गतेदेखि जारी प्रतियोयितको तेस्रो स्थानका लागि मङ्गलवार विहान ८ बजे सिन्धुपाल्चोक र सुनसरीबिच खेल हुने आयोजक संस्थाले जनाएको छ ।

प्रतियोगितामा प्रथम हुन टिमले २ लाख ६५ हजार ५ सय ५५ रुपैयाँ नगदसहित कप, मेडल र प्रमाणपत्र प्राप्त गर्ने छ भने दोस्रो हुने टिमले १ लाख ३२ हजार २ सय २२ नगदसहित कप, मेडल र प्रमाणपत्र पाउने छ भने तेस्रो हुने टिमले ६६ हजार ६ सय ६६ रुपैयाँ नगद कप, मेडल र प्रमाणपत्र पाउने छ ।
त्यसैगरी म्यान आफ दि म्याच घोषित हुनेले १५ हजार नगद र ट्रफी, गोल स्कोररले १० हजार नगद, ट्रफी र प्रमाणपत्र, उत्कृष्ट मिडफिल्डरले नगद १० हजार, ट्रफी र प्रमाणपत्र पाउने छ । त्यसैगरी उत्कृष्ट फरवार्ड र उत्कृष्ट स्ट्राईकरले पनि १० हजार रुपैयाँ नगद सहित ट्रफी र प्रमाणपत्र पाउने नेपाल माझी उथान सङ्घ रामेछापका प्रचारप्रसार संयोजक बालकृष्ण माझीले जानकारी दिनु भएको