रामेछाप १८ पुस । भूपू सैनिक, प्रहरी र सरकारी पेन्सनवालाहरूको साझा सहकारीका रूपमा परिचित भूपू सहकारी संघको १७औं साधारण सभा र १८ औ स्थापना दिवस आज मन्थलीमा सम्पन्न भएको छ । उक्त कार्यक्रमको उद्घाटन कार्यक्रमका प्रमुख अतिथि समेत रहनु भएका मन्थली नगरपालिकाका प्रमुख लव श्रेष्ठले पानसमा बत्ती बालेर गर्नु भएको थियो ।
सो अवसरमा उहाँले नेतृत्वको अर्क मण्डयताका कारण मुलुकका सहकारीहरू एक पछि अर्को गर्दे सङ्कटमा पर्दे गएकोमा चिन्ता प्रकट गर्दे भूपू बचतले सहकारी विकासको अभियानमा पुर् एको योगदानको प्रशंसा पनि गर्नु भयो । उहाँले जिल्लाका सहकारी हरूको लाइनमा यसलाई नमुना सहकारीको रूपमा विकास गर्न पनि सञ्चालकहरूलाई आग्रह गर्नु भयो । उहाँले सञ्चालकको काम प्रति सबै शेयर सदस्यहरूलाई गम्भीर भएर बहस गर्न पनि आग्रह गर्नु भयो ।
कार्यक्रममा विशिष्ट अतिथि समेत रहनु भएका जिल्ला बचत तथा ऋण सहकारीका अध्यक्ष जगन्नाथ दाहालले सहकारीका शेयर सदस्यहरूलाई संस्थाका बारेमा गहिरिएर अध्ययन गर्न आग्रह गर्नु भयो । उहाँले भन्नुभयो – गुणात्मक संस्थाका लागि नेतृत्वका साथै शेयर सदस्यहरूको भूमिका पनि गुणात्मक भएमा मात्र संस्थाको विकासमा सहयोग पुग्ने विश्वास पनि व्यक्त गर्नू भयो ।
कुल शेयर सदस्य सङ्ख्या १ हजार ५ सय ८७ जना रहेको उक्त सहकारीले गत असार मसान्त सम्ममा कुल सम्पत्ति ५ करोड ६६ लाख १४हजार ८ सय ८५ रुपैयाँ पुर् एको छ भने १३ लाख ३२ हजार ८ सय २४ रुपैयाँ मुनाफा कमाउन सफल भएको छ । त्यसैगरि संस्थाको कुल शेयर पुजिँ ५६ लाख ६८ हजार रुपैयाँ पुगेको संस्थाका कोषाध्यक्ष वीर बहादुर खड्काद्वारा प्रस्तुत आर्थिक प्रतिवेदनमा उल्लेख गरिएको छ ।
सो अवसरमा संस्थाका सचिव टहल बहादुर कार्कीद्वारा प्रस्तुत साङ्गठनिक प्रतिवेदन र लेखा सुपरिवेक्षण समितिका संयोजक यम बहादुर वुढाथोकिद्धारा प्रस्तुत लेखा सुपरिवेक्षण समितिको प्रतिवेदन पनि सर्व सम्मत रूपमा पारित भएको छ ।
साधारण सभाका अवसरमा असल वचतकर्ता,असल ऋणी र असल ज्येष्ठ नागरिक हरूलाई सम्मान पत्र नगद र दोसल्ला ओढाएर तथा राम्रो अङ्क ल्याएर कक्षा उर्तिण हुने शेयर सदस्यका ३ जना छोरा छोरीलाई पनि सम्मान तथा पुरस्कार प्रदान गरिएको थियो ।
संस्थाका अध्यक्ष केशव प्रसाद घिमिरेको अध्यक्षतामा भएको साधारण सभाले अर्को ४ वर्षका लागि वर्तमान सचिव टहल बहादुर कार्कीको अध्यक्षतामा नयाँ सञ्चालक समिति समेत गठन गरेको छ । उक्त नव निर्वाचित समितिको उपाध्यक्ष सचिव र कोषाध्यक्षमा क्रमशः शीवध्वज कार्की,वीर बहादुर खड्का,र कोषाध्यक्षमा थडिन्द्र बहादुर थापा रहनु भएको छ । त्यसैगरि सदस्यहरूमा ईश्वरी कार्की ,कमल बहादुर खत्री,खड्ग बहादुर आले,शान्ता ढकाल र सुनिता पहरी रहनु भएको छ भने लेखा तथा सुपरिवेक्षण समितिमा यम बहादुर बुढाथोकी,कुमार थापा र सँम्पुर्ण बुढाथोकी रहनु भएको छ ।
सो अवसरमा कार्यक्रमका अध्यक्ष तथा निर्वतमान अध्यक्ष केशव प्रसाद घिमिरेले प्रमुख अतिथि अतिथि र आफ्नो कार्यकाल भरि सहयोग पुर्याउने सञ्चालक समिति, उप समिति र सम्पुणर््ा शेयर सदस्यहरूलाई धन्यवाद दिँदै आगामी दिनमा पनि संस्थाको विकासका लागि आफूले निरन्तर सहयोग गर्ने आश्वासन पनि दिनु भएको थियो ।
यो बारेमा तपाईको प्रतिकृया