जिल्ला स्तरीय रनिङ शिल्डको मार्च पासमा प्रथम भएर रामेछापको सुरुवाति अग्रता

रामेछाप २१ पुस । जिल्लाको खेलकुदको सानको रुपमा परिचित जिल्ला स्तरीय राष्ट्रपति रनिङ शिल्ड प्रतियोगिताको उद्घाटन्का क्रममा भएको मार्च पासमा रामेछाप नगरपालीका प्रथम हुन सफल भएको छ । शुक्रबार उमाकुण्ड गाउँपालिकाको च्यादलु खेल मैदानमा भएको प्रतियोगितामा उसले अन्य सहभागी ७ वटा पालिकालाई उछिन्दै १०६.५ अँक प्राप्त गरि रामेछाप नगर प्रथम हुन सफल भएको हो ।
जिल्लाका आठ वटा स्थानीय तहको सक्रियताका साथ सहभागिता रहेको रनिङ शिल्डमा कार्यक्रमको सह–आयोजक समेत रहेको उमाकुण्ड गाउँपालिकाले मार्च पासमा दोस्रो स्थान लिन सफल भएको छ ।उसले १०२.५ अंक प्राप्त गरेको थियो । जिल्ला स्तरिय भनिय पनि केही स्थानीय तहको स्काउट ट्रुप भने मार्च पासमा सहभागि भएन् । मार्चपासमा मन्थली नगरपालीका भने तृतिय स्थान ओगटन् सफल भएको छ । उसले कुल १०२ अँक प्राप्त गरेको रामेछाप नगरका खेल संयोजक टीकाराम मगरले जानकारी दिनु भयो ।
तीन दिन सम्म चल्ने उक्त प्रतियोगितामा विभिन्न विधाका खेलका गरि कुल ८सय ३३ जना खेलाडीहरूले मैत्री पूर्ण खेलको प्रदर्शनी गरि रहेका छन् । आयोजकले रनिङ शिल्डमा सहभागि सबै खेलाडीहरुको बिमा समेत गरिदिएको जनाएको छ । खेलकुदको उद्घाटन् राष्टिय खेलकुद परिषद्का सदस्य सचीव टंक लाल घिसिङ र सँघिय साँसद पुर्ण बहादुर तामाङले संयुक्त रुपमा भब्य समारोहका वीच गर्नु भएको थियो ।