रामेछाप २७ पुस । नेपाल शिक्षक सङ्घ रामेछाप नगरको छैँठौँ स्थानीय प्रतिनिधि सभाले आफ्नो सङ्गठन भित्र रहेका ज्येष्ठ नागरिकहरूलाई सम्मान गरेको छ । शुक्रवार रामेछाप बजारमा अवस्थित क्याम्पस भवनमा सम्पन्न भएको सङ्घका रामेछाप नगरको प्रतिनिधि सभाका अवसरमा सङ्घले आफ्ना ३ जना ज्येष्ठ शिक्षकहरूलाई सम्मान गरेको हो ।
यसरी सम्मानित हुनेहरूमा मान बहादुर मोक्तान,गुणराज पोखरेल र काले माझी रहेका छन् । सङ्घले हरेक वर्ष नियमित रूपमा हुँदै आएको प्रतिनिधि सभामा सङ्घमा आबद्ध शिक्षकहरूको हक हित र अधिकारका बारेमा खुलेर छलफल गरेका थिए । सो क्रममा सहभागी शिक्षक प्रतिनिधि हरुले सङ्घको विधान र मर्यादा अनुसार काम गर्न पनि नेतृत्वलाई सुझाएका थिए ।
उक्त कार्यक्रमको उद्घाटन गर्दे रामेछाप नगरपालिकाका प्रमुख लबश्री न्यौपानेले नगरपालिकाले शिक्षा क्षेत्र सुधारको लागी धेरै कामको सुरुवात गरी सकेको भन्दै नगरले गरेको सुधार अभियानमा पनि साथ दिन साथीहरूलाई आग्रह गर्नु भयो । उहाँले नगरी भित्र रहेका कतिपय आधारभूत विद्यालयमा विद्यार्थी सङ्ख्या निकै कम भएकोले त्यसको व्यवस्थापनमा सहयोग गर्न पनि प्रमुख न्यौपानेले आग्रह गर्नु भयो । उहाँले शिक्षकहरूले गर्ने व्यवहारले विद्यालय मात्र नभएर समाज परिवर्तनमा पनि सहयोग पुग्ने भन्दै शिक्षक लाई जिम्मेवार भएर काममा लाग्न पनि आग्रह गर्नु भयो । उहाँले नेपाल शिक्षक सङ्घलाई शिक्षा क्षेत्र सुधारको लागी नेतृत्वदायी भूमिका निर्वाह गर्न नि आग्रह गर्नु भयो ।
कार्यक्रममा रामेछाप नगरपालिकाका प्रवक्ता समीर कार्कीले शिक्षक भनेको समाज परिवर्तनको संवाहक भएकोले शिक्षकको भूमिका हरेक क्षेत्रमा महत्त्वपूर्ण हुने भएकोले आफ्नो भूमिकालाई शिक्षकहरूले अब्बल बनाउनु पर्ने बताउनुभयो ।
नेपाल शिक्षक सङ्घका जिल्ला उपाध्यक्ष मोती तमाङ्ग,जिल्ला सचिव मेघ प्रसाद भट्टराई जिल्ला अर्थ सचिव नारायण प्रसाद घिमिरेले नेपाल शिक्षक सङ्घका सदस्य हरू सबैलाई इमान्दा भएर काममा लाग्न आग्रह गर्नु भयो । उहाँहरूले पेसागत हकहित र अधिकारीका लागि सङ्घले उत्कृष्ट भूमिका खेल्नु पर्ने बताउनुभयो ।
सङ्घका नगर अध्यक्ष अध्यक्ष निम बहादुर श्रेष्ठको अध्यक्षतामा भएको उक्त सभामा सङ्घका रामेछाप नगरका सचिव खिल बहादुर कार्कीले हालसम्म गरेका कामहरू र भावी कार्यक्रमहरूको बारेमा आफ्नो प्रतिवेदन मार्फत प्रस्तुत गर्नु भएको थियो ।
जिल्ला समितिमा १ हजार २५ जना रहेको सङ्घको नगर कार्यसमितिमा २ सयभन्दा बढी शिक्षक सदस्यहरू आबद्ध रहेको जानकारी पनि सो अवसरमा गराइएको थियो ।
यो बारेमा तपाईको प्रतिकृया