रामेछाप ,१७ चैत । नेपाली काँग्रेसका केन्द्रीय सदस्य एबं बर्तमान संघिय सांसद सन्जय गौतमले नेकमा माओवादी सँग काँग्रेसले गठबन्धन गर्नु भुलभएको बताउनु भएको छ ।
सो कुरा उहाले नेपाली काँग्रेस रामेछाप नगर कार्य समितिले रामेछाप बजारमा आयोजना गरेको ऐतिहासिक नगर सम्मेलन को उद्घाटन गर्ने क्रममा बताउनुभएको हो । उहाले काँग्रेस जिवन्त संगठन भएकोले आफ्नो गतिमा हिड्नुपर्नेमा बाटो विराउदा गठबन्धन टुटेको बताउनुभयो । नेकपा माओवादीलाई वाँदरको संज्ञा दिँदै काँग्रेसले वाँदरको घोडा चढेकोले लडेको बताउनुभयो । उहाले अब काँग्रेसले यस्ता गल्ती गर्न नहुने भन्दै काँग्रेस नीति नियम र असल संगतले चल्नुपर्ने बताउनुभयो ।
पुर्व सिंचाइ मन्त्री समेत रहनु भएका गौतलमले बिपी जस्तो त्यागि नेता हुन सिक्नु पर्ने भन्दै अहिले गृह मन्त्री रहेका रवि लामिछानेले जस्तो विपिले पनि मन्त्री भैरहन चाहेको भए बिपी आजिवन मन्त्री हुन सक्ने भन्दै वर्तमान गृह मन्त्री पनि विभिन्न आरोप बाट आलोचित भएकोले यस्ता मन्त्रीबाट राम्रो कामको आस नहुने बताउनुभयो ।
सो अबसमरा बोल्दै संघिय सांसद पूर्ण बहादुर तामाङ(कान्छाराम) एमाले सँगको माओवादिको गठबन्धन पनि धेरै नटिक्ने भन्दै फेरी काँग्रेस सँगनै गठबन्धनका लागि माओवादी आउन सक्ने बताउनुभयो । उहाले जिल्लाको काँग्रेसको संगठन फितलो भैरहेको भन्दै महासमिति सदस्य, एबं महाधिबेशन प्रतिनिधिहरुले आ आफ्नो गाँउमा पर्याप्त समय दिनुपर्ने काठमाण्डौ वसेर रामेछापको राजनिति नहुने बताउनुभयो । कार्यक्रमका अवसरमा महासमिति सदस्यहरु क्रमशः नर बहादुर थापामगर, कुमारी हायु, रत्न कार्की, नेपाली काँग्रेसका निवर्तमान पार्टि सभापति एबं रामेछाप नगरपालिकाका नगर प्रमुख लवश्री न्यौपाने, उप सभापति लेख बहादुर कार्की, जिल्ला समन्वय समितिकी प्रमुख चिना खड्का कार्की, प्रदेश सभा क का सभापति निरोज खड्का, रामेछाप नगर उप प्रमुख वाला कुमारी कार्की, रामेछाप नगर उपसभापति केदार कार्की लगाएतले आ आफ्नो मन्तब्य राख्नु भएको थियो ।
रामेछाप नगर कार्य समितिका सभापति कमल विक्रम कार्कीको अध्यक्षतामा सम्पन्न उक्त कर्यक्रमका असरमा पार्टि भित्र रहेर उल्लेख्य योगदान गर्नेहरुलाई सम्मान गरिएको थियो ।
यो बारेमा तपाईको प्रतिकृया