मन्थली,१० साउन । रामेछापको गोकुलगंगा गाँउपालिका वडा नं ६ फर्पुमा विहिवार राति गएको पहिरोमा परी ३ जना किशोरीको मृत्यू भएको छ ।
बर्षा पछि आएको पहिरोले स्थानीय विमान तामाङको घर को आधा भाग पुरीदा घरमा रहेकी उनकी १८ बर्षिया छोरी सीता तामाङ, नातिनीहरु क्रमश ः१५ बर्षिया आशिका दोङ र १३ वर्षिया लक्ष्मी तामाङको ज्यान गएको जिल्ला प्रहरी कार्यालय रामेछापका प्रमुख प्रदिप कुमार सिंहले जानकारी दिनुभयोे ।
विहिवार साँझ रोपाई सकेर घरमा आगो तापेर एकै ठाँउमा वसीरहेका उनीहरुलाई वर्षा सँगै घर माथि बाट वगेर आएकोे ढिस्कोले पुरेको थियो । तर सोहि घरको अर्को कोठामा रहेका विमान र उनकी श्रीमतिलाई भने केही नभएको सो वडाका वडा अध्यक्ष चन्द्र सुनुवारले जानकारी दिनुभयो ।
पहिरोले घर पुरिएको सूचना पाउना साथ जिल्ला सदरमुकाम मन्थलीबाट सहायक प्रमुख जिल्ला अधिकारी किसान न्यौपानेको नेतृत्वमा नेपाल प्रहरी, शसस्त्र प्रहरी र नेपाली सेना समेतको उद्धार टोली घटनास्थल तर्फ पठाइएको रामेछापका प्रमुख जिल्ला अधिकारी अनिता निरौलाले जानकारी दिनुभयो ।
घट्ना स्थलतर्फ गएको उद्धार टोलीलाई खिम्ति नजिकैको छँित्तवने खोलामा आएको बाढीले रोकेर सो स्थान सम्म जान निकैवेर कठिनाइ भएको भएको जिल्ला प्रहरी कार्यालय रामेछापका प्रहरी नायव उपरीक्षक प्रदिप कुमार सिंहले बताउनुभयो । तर घट्ना स्थलमा पुगेका बेताली प्रहरी चौकीका प्रहरीह र स्थानीय वासी लगाएतले थप क्षति हुन बाट जोगाएका थिए ।
यो बारेमा तपाईको प्रतिकृया