मन्थली, भाद्र १२ गते । रामेछाप जिल्लाको दोरम्बा शैलुङ्ग गाँउपालिका –३ लेखर्कमा हराइरहेका ३ जना मध्ये १ जनाको पैतालाको भाग भेटिए सँगै परिहोमा परी मृत्यू हुनेहरुको अंख्या ८ पुगेको छ भने दुई जना अझै बेपत्ता छन् ।
\यहि भदौ ९ गते (आइतवार) विहान करिव ३ बजेको समयमा गएको पहिरोमा परी ३ घर वगाँउदा र १ घर पुरीदा हराइरहेका १० जना मध्ये मंगलवार सम्म ८ जनाको सनाखत भैसकेका जिल्ला प्रहरी कार्यालय रामेछापका सूचना अधिकारी कौशल न्यौपानेले बताउनुभयो ।
उहाले मंगलवार एक जना महिलाको बायाँ गोडाको पैतालाको भाग मात्र भेटिएपछि हराइरहेका ब्यक्तिहरुको आफन्तहरु सँग सोधपुछ गर्दा नङ्पालिस लगाएको वाँङ्गो औलाका आधारमा आफ्नी हराइरहेकी श्रीमति विन्दा पहरी को भएको उनका श्रीमान कुमार पहरीले स्वीकार गरेपछि कानुनि प्रकृया मिलाएर भाग मृतकका श्रीमानको जिम्मा लगाएको पनि बताउनुभयो ।
यहि गत शनिवार राती परेको अविरल बर्षाका कारण सो गाँउपालिका ३ लेखर्क, पहरी गाँउमा पहोरो जाँदा ४ घरमा क्षति पुगेको थियो । ति घरहरुमा क्षति पुग्दा आइतवार विहान ११ जना बेपत्ता भएका थिए । बेपत्ता मध्ये १ जनालाई जिवितै उद्धार गरिएको थियो भने ६ जनाको लास सोहि र थप १ जनाको सोमवार र अर्की १ महिलाको मंगलवार पैतालाको भाग मात्र फेला परेको थियो । यी ८ जनाकै सनाखत गरी आबश्यक प्रकृया सहित आफन्तलाई जिम्मा लगाइसकिएको छ ।
उक्त पहिरोमा परी हराइरहेका सोहि वडाका ५५ बर्षका काले पहरी, ५० वर्षका झ्याइपुरी पहरी अझै बेपत्ता छन् । उनीहरुको खोजी कार्य भैरहेको प्रहरीले जनाएको छ ।
पहिरोमा परी सो वडाकी ३० बर्षिय चण्डीका श्रेष्ठ , निजका १८ महिनाका छोरा आयुष श्रेष्ठ, सोहि वडाका क्रमश वर्ष ५७ की उर्मिला पहरी ,वर्ष ३० का सन्दिप पहरी ,वर्ष ११ का सन्तोष पहरी वर्ष १४ का विज्ञान पहरी शव आइतवारनै फेला परेको र ७५ बर्षिय झ्याइपुरी पहरीको सोमवार शव फेला परेको थियो ।
यो बारेमा तपाईको प्रतिकृया