रामेछाप,१९ भदौ । मन्थली शहिद स्मृति बहुमुखी क्याम्पस स्वतन्त्र विद्यार्थी युनियन रामेछापले क्याम्पसमा अध्ययन गर्ने विद्यार्थी हरुका लागि लोकसेवा आयोगको तयारी कक्षा सुरु गरेको छ ।
कितावि ज्ञान ले मात्र नपुग्ने भएपछि लोक सेवा आयोगको तयारी गर्न का लागि सहयोग पुगोस भनेर स्ववियू ले उक्त कक्षाको सुरु गरेको हो ।
स्ववियू सभापति अबिनाश कार्कीको अध्यक्षता एबं वागमती प्रदेशका उद्योग,पर्यटन,वन तथा वातावरण समिति सभापति एवं प्रदेश सांसद आनन्द श्रेष्ठको प्रमुख आतिथ्यतामा सो कार्यक्रमको उद्घाटन सत्र सम्पन्न भएको हो ।
कार्यक्रमका अवसरमा बोल्दै सांसद श्रेष्ठले स्ववियुले संचालन गर्न लागेको लोकसेवा तयारीको कक्षा लाई उपयोगी कक्षाका रुपमा ग्रहण गर्न सहभागिहरुलाई आग्रह गर्नु भयो । उहाँले तयारी कक्षालाई आम विद्यार्थीहरुले सकरात्म्क र ब्यवहारीक शिक्षाका रुपमा उपयोग गर्न पनि अनुरोध गर्नुभयो ।
सो क्रममा उहाँले पछिल्लो समयमा विद्यार्थी हरुमा अध्यन गर्ने वानिको गिरावट आउनुका साथै उनिहरुमा देखिदै आएको नकरात्मक पक्षलाई सकारात्मक तर्फ उन्मुख गराउन पनि यो कक्षा वरदान सावित हुने बताउनुभयो ।
उहाँले स्ववियुले गर्न लागेको कार्यक्रम विद्यार्थीको क्षमता विकासका लागि कोषे ढुँगा सावित हुने भन्दै विद्यार्थीहरुलाई समय पूर्वक गहिरिएर नियमित कक्षामा सामेल भएर गहिरो अध्ययन गर्न पनि सुझाव दिनु भयो ।
कार्यक्रममा बोल्दै स्ववियु सभापति अविनास कार्कीले विद्यार्थी साथीहरुको भावना अनुसार स्ववियूले लोकसेवा आयोगको तयारीकक्षा संचालन गर्न लागेको जानकारी दिनुभयो । करिव ३ महिना सम्म संचालन गरिने लोकसेवा आयोगको कक्षाको तयारीका लागि ईच्छुक सबैलाई निःशुल्क सहभागि गराईने पनि कार्कीले बताउनु भयो । कक्षा संचालनका लागि स्ववियुको निर्णय अनुसार स्ववियु कोषबाट खर्च गरिने र कक्षामा विषय विज्ञहरुलाई समावेस गराईने कुरा पनि सभापति कार्कीले जानकारी दिनु भयो ।
स्ववियुका सचिव शुसिल थापाको संचालनमा भएको उक्त कार्यक्रममा नेपाल पत्रकार महासंघका जिल्ला अध्यक्ष वद्री नयाँघरे,क्याम्पस प्रमुख डा.भरत कुमार श्रेष्ठ,मन्थली माविका प्र अ टंक दाहाल,नेपाल विद्यार्थी संघका जिल्ला अध्यक्ष विनोद बुढाथोकी लगायतका बक्ताहरुले स्ववियुले संचालन गर्न लागेको लोकसेवा आयोगको तयारी कक्षामा विद्यार्थीहरुलाई नियमित सहभागि भएर त्यसबाट भरपुर जानकारी लिनका लागि पनि आग्रह गर्नुभयो ।
यो बारेमा तपाईको प्रतिकृया