मन्थली,२० पुष । रामेछाप को मन्थलीमा रहेको श्री अम्बर आदर्श बचत तथा ऋण सहकारी संस्थाले गत आर्थिक वर्षमा कुल १५ लाख २१ हजार ८ सय ४५ रुपैया नाफा कमाएको छ ।
सो कुरा शनिबार मन्थलीमा उक्त संस्थाको २३ औ बार्षिक साधारण सभाका अबसरमा बोल्दै कोषाध्यक्ष रमेश ढुंगेलले जानकारी गराउनु भएको हो ।
उहाले १ हजार १ सय शेयर सदस्यको शेयर पुँजी रु ३१ लाख ३८ हजार २ सय ८४ रुपैया, निक्षेप संकलन मार्फत संकलित रकम रू १ करोड ९२ लाख ५० हजार ८ सय ४६ रुपैया सहित १ करोड ६९ लाख ८८ हजार ४ सय ८३ रुपैया लगानी गरी उक्त रकम नाफा कमाएको र गत वर्ष ६ लाख ३४ हजार नाफा कमाएको यस संस्थाले यस वर्ष दोब्बर भन्दा बढि नाफा कमाएको पनि दावी गर्नुभयाे ।
संस्थाका अध्यक्ष भोला बहादुर थापाको अध्यक्षतामा सम्पन्न उक्त कार्यक्रमको उद्घाटन कार्यक्रमका प्रमुख अतिथि एबं जिल्ला सहकारी संघ रामेछापका अध्यक्ष हिमाल ढुंगेलले गर्नुभएको थियो ।
सो अवसरमा कार्यसमितिका उपाध्यक्ष भुवन थापा,नेपाल पत्रकार महासंघ रामोछापका निवर्तमान अध्यक्ष बद्रि नयाँघरे,बर्तमान अध्यक्ष दिपक घिमिरे,नेफ्स्कुन रामेछापका फिल्ड अधिकृत सूर्य बहादुर थापा,जिल्ला बचत संघका महासचिब शिबराज श्रेष्ठ लगाएतले आ–आफ्नो मन्तब्य राख्नु भएको थियो ।
संस्थाको बन्द सत्रले कोषाध्यक्ष ढुंगेल द्धारा प्रस्तुत २ करोड ९६ लाख ६१ हजार ९ सय १९ रुपैया कारोवार सहितको आम्दानी तथा खर्चको विवरण पास गर्नुका साथै सचिब कुमार खत्री द्धारा प्रस्तुत सांगठनिक प्रतिबेदन समेत पास गरेको छ ।
यो बारेमा तपाईको प्रतिकृया