मन्थली, २१ जेठ ।अन्तरजातिय विवाह गर्ने १3 जोडिलाई रामेछापमा सम्मान गरिएको छ ।
जातीय भेदभाव तथा छुवाछुत उन्मूलन दिवस २०८२ को अबसर पारेर राष्ट्रिय दलित पत्रकार संघले मन्थलीमा ति जोडिहरुलाई सम्म्मानित गरेको हो ।
यसरी सम्मानित हुनेहरुमा रामचन्द्र विक र प्रतिभा वोहोरा, पवन रसाइली र अनिता मगर, लगाएतका रहेका छन् ।
सो अवसर पारेर ती जोडिलाई मन्थली नगरपालिका प्रमुख लब श्रेष्ठ र प्रमुख जिल्ला अधिकारी श्यामकृष्ण थापाले खादा,नगद र प्रशंसा पत्र सहित सम्मान सम्मान गर्नु भएको हो ।
कार्यक्रमका अवसरमा बोल्ने अधिकांस बक्ताहरुले सरकारले नेपाललाई ‘जातीय छुवाछूत मुक्त राष्ट्र’ घोषणा गरेको १८ वर्ष पुरा भइसकेपनि समाजमा जातिय छुवाछुत अझै कायमै रहेको बताएका थिए । यसको कार्यान्वन र ब्यवहारिक पक्षका लागि सबै पक्षको सहयोग आवश्यक रहने पनि उनीहरुको धारणा थियो ।
जिल्लामा बेला बेलामा जातिय विभेदका घटना हरु घटिरहेको प्रति पनि सरोकारवालाहरुले चिन्ता ब्यक्त गरेका थिए ।
समाजमा व्याप्त जातिय विभेद तथा छुवाछुतलाई निस्तेज गर्नका लागि अन्तरजातिय विवाह गरेर समाजमा सकारात्मक सन्देश पुगोस भन्नका लागि अन्तरजातिय विवाह गर्ने जोडीलाइ सम्मान गरेको नेपाल राष्ट्रिय दलित समाज कल्याण संघ रामेछापका अध्यक्ष नवराज बिकाले बताउनुभयो ।
सो अवसरमा प्रमुख जिल्ला अधिकारी,प्रहरी प्रमुख,जिल्ला स्थित राजनैतिक दलका प्रमुख एबं प्रतिनिधिहरु र जिल्लाका अन्य सरोकारवाला निकायका प्रतिनिनिधीहरुले व्याप्त जातिय विभेद तथा छुवाछुतलाई निस्तेज भै नसकेको भन्दै यसका लागि सबै पक्षले जिम्मेवार भएर लाग्नु पर्ने धारणा राख्नुभएको थियो ।
सम्मानित मध्येकी अन्तरजातिय विवाह गर्ने रिता खड्काले भन्नुभयो विवाह संस्कृति परम्परा अनुसार नै गरेका हौ ,हामी खुसी नै छौ यो सम्मानले हामीलाई अझै खुसी तुल्याएको छ । त्यसैगगरी सम्मानित हुने अनिता मगरले पनि भन्नुभयो– अन्तरजातिय विवाहले हामी त खुसी छौ तर मेरो माइतिको सम्बन्ध भने म सँग टुट्यो यही कार्यक्रम मार्फत मेरो माइतिको सम्बन्धलाई पनि सुमधुर बनाइदिनुपर्यो ’ ।
त्यस्तै अर्का जोडी मध्येकी प्रतिभा वोहोराले भन्नुभयो– ‘अन्तरजातिय विवाह गर्दैमा गल्ती गरेको संझनु हुन्न ,समाजले नराम्रो भन्दैमा केही असर पर्दैन, सबैभन्दा ठुलो कुरात आफु खुसी हुनुपर्छ’ ।
मन्थली नगरपालिकाको आर्थिक सहयोगमा नेपाल राष्ट्रिय दलित समाज कल्याण संघ रामेछापको समन्वयमा राष्ट्रिय दलित पत्रकार संघले गरेकोे कार्यक्रममा नेपाल पत्रकार महासँघ,गैसस महासँघ जिल्ला स्थित संञ्चार माध्यमका प्रतिनिधि सहित सदरमुकाममा रहेका विभिन्न विद्यालयका छात्र छात्रा र शिक्षक हरुको समेत सहभागिता रहेको थियो ।
यो बारेमा तपाईको प्रतिकृया