मन्थली १२ असार । “उद्यमशील संस्कृति, राष्ट्रको सबृद्धि” भन्ने मूल नाराका साथ उद्योग तथा वाणिज्य कार्यालय रामेछापले रामेछाप नगरपालिकामा विहीवार स्थानीय तह सँग उद्योग तथा बाणिज्य, प्रशासन एबं नियमनका सम्बन्धमा छलफल तथा अन्तरकृया कार्यक्रम सम्पन्न भएको छ ।
सो कार्यालयका प्रमुख खेमराज घिमिरेको अध्यक्षता एबं रामेछाप नगर प्रमुख लवश्री न्यौपानेको प्रमुख आतित्थ्यतामा सम्पन्न उक्त कार्यक्रको उद्घाटन ब्यानर पढेर गरिएको थियो ।
सो अबसरमा उपभोक्ता हित संरक्षण सम्बन्धि कानूनी ब्यवस्था र जिल्ला प्रशासन कार्यालयको भुमिकाका बारेमा जिल्ला प्रशासन कार्यालयका ना सु लक्ष्मण भुजेलले जानकारी गराउनु भएको थियो ।
सो क्रममा उहाले राष्ट्रसेवक कर्मचारी र जनप्रतिनिधिहरुले सेवा ग्राहीहरुको काम गर्दा जहिले पनि खुसी र नम्र भएर गर्नुपर्ने, उनीहरुको काम गर्नपाएकोमा सेवाग्राहिहरुलाई काम सकिना साथ धन्यवाद दिनुपर्ने, मुस्कान सहितको सेवा दिनुपर्ने कुरालाई जोड दिनुयभो । उहाले काम गर्ने क्रममा कहिलेकाहि दिमाख खियाएर नयाँ नयाँ विचारहरु ल्याई सेवाग्राहीको काम चुस्त, दुरुस्त छिटो र छरितो ढंगबाट गर्न कार्यक्रममा सहभागि कर्मचारी र जनप्रनिनिधिहरुलाई अनुरोध गर्नुभयो ।
कार्यक्रमका अवसरमा उद्योग, वाणिज्य एबं उपभोक्ता हक हित सम्बन्धि पालिकाको काम कर्तब्य अधिकार लगाएत अन्य विषयवस्तु का बारेमा कार्यालय प्रमुख खेमराज घिमिरेले जानकारी गराउनुभएको थियो ।
सो अबसरमा नगर प्रमुख न्यौपाने, उप प्रमुख वाल कुमारी कार्की र प्रमुख प्रशासकिय अधिकृत भोला प्रसाद चापाँगइले यस्ता कार्यक्रमले आफुहरुलाई काम गर्ने तौर तरिकामा अझ निखारता ल्याउने भएकाले वडा अध्यक्षहरुलाई समेत सहभागि गराएर बेला बेलामा यस्ता कार्यक्रम हुने हो भने कार्यशैलीको गुणस्तर बृद्धि हुने कुरालाई जोड दिनुभयो ।
यो बारेमा तपाईको प्रतिकृया