घरदैलो अभियानमा निस्केको नेपाली काँग्रेसको टोलीलाई मझुवामा भजन कृतन मार्फत स्वागत

मन्थली १९ माघ । सोमबार बाट औपचारिक रुपमा सुरु गरेको नेपाली काँग्रेको घरदैलो अभियनको पहिलो दिन नै खाँडादेवी गाँउपालिका वडा नं २ स्थित मझुवा धुसालमा रहको कृष्ण प्रणामीको भजन मण्डली समुहले टोलीलाई स्वागत गरेको छ ।
सो ठाँउमा रहेको कृष्ण प्रणामी भजन मण्डलीको समुहले भजन किर्तन सहित उक्त टोलीलाई स्वागत गरेको हो ।
स्वागतमा भनजमा चार तारे झण्डा हातमा वोकेर आउनेलाई स्वागत गर्दछौ , विकास प्रेमी समाज सेवी जनप्रीय नेता छानौ, दुखः र सुख मा साथ दिने नेता लाई चिनौं , रामचन्द्र दाइ जस्ता नेता लाई सबैले भोट हालौ भन्ने जस्ता सन्देश उल्लेख गरिएको थियो ।
मझुवाको धुसालमा रहेको कृष्ण मन्दिर परिसरमा आइपुगेको नेपाली काँग्रेका उम्मेद्वार रामचन्द्र खड्का सहितको टोलीलाई आफ्नो भजन मण्डलीले भजन मार्फत स्वागत गरेको, उहा जस्ता असल, निष्ठावान र जनप्रिय नेतालाइ भोटहाल्न गाउका मतदातालाई अनुरोध समेत गरेको भजन मण्डलीका अगुवा एबं स्थानीय समाजसेवी जय प्रकश प्रधानले बताउनुभयो ।