मन्थली, २८ माघ । रामेछापको मन्थली स्थित मन्थली अस्पताल क्षेत्र मा घाइते तथा मृतकका आफन्त ले सडक जाम गरी उक्त क्षेत्र तनाब ग्रस्त बनाएका छन् ।
हिजो मंगलबार मन्थली नपाको वडा नं ६ स्थित मसानटार नजिक भएको बस दुर्घटनामा परी ज्यान गुमाएका र घाइते भएका परिवारका आफन्त बस ब्यवसायी र अरनिको यातायात सेवा समितिका पदाधिकारीहरूलाई सम्पर्क आउन र मृतक परवारलाई उचित क्षतिपूर्ति र घाइतेहरुको उपचारको माग गर्दै सडक जाम गरी उक्त क्षेत्र तनाव ग्रस्त बनाएका हुन् ।
क्षतिपुर्तिको माग पुरा नहुन्जेल हिजो भएको दुर्घटनामा परी ज्यान गुमाएका १२ जनाको शब नवुझ्ने अडान मृतकका आफन्तहरुले राखेका छन् ।
स्थितिलाई नियन्त्रणमा लिन ठुलो संख्यामा प्रहरी परिचालन गरिएको छ । मन्थलीमा तनाब भएपछि काठमाण्डौ बाट रामेछाप र ओखलढुंगाका विभिन्न स्थानका लागि छुटेका अरनिको यातायात सेवा प्रालि सबै बसहरू खुर्कोटमै रोकिएका छन् भने मन्थली हुँदै काठमाण्डौ जाने बसहरूपनि रामेछापका विभिन्न स्थानहरूमा रोकिएका छन ।
पिडितहरुले मन्थली नगरपालिका वडा नं २ भुत्याहा खोला छेउमा टिफरनै तेर्स्याएर यातायात अबरुद्ध गरेका कारण रामेछाप बाट काठमाण्डौ र काठमाण्डौबाट रामेछाप र ओखलढुंगाका विभिन्न भागहरुका लागि छुटेका बसहरु गन्तब्यमा नपुगि बाटोमै रोकिएका छन्।
उक्त दुर्घटनामा परी बस धनी लिखु तामाकोशी गाउपालिका वडा नं –४ का दिपेश बस्नेत र उनका आफ्नै भतिज दिपेन्द्र बस्नेत (काका, भतिजा) र सोहि पालिका वडा नं –७ तिल्पुङका एकै परिवारका ४ जना सहित १२ जनाको ज्यान गएको थियो । उक्त घटना प्रति रामेछापमा नेपाली काँग्रेस, नेकपा एमाले र रास्वपाले छुट्टाछुट्टै शोक विज्ञप्ती प्रकाशित गर्दै दुःख ब्यक्त गरेको छ ।
उक्त समस्यालाई समाधान गर्न जिल्ला प्रशासन कार्यालय रामेछापमा सर्वपक्षिय बैठक वसिरहेको प्रमुख जिल्ला अधिकारी श्यामकृष्ण थापाले बताउनुभयो ।
यो बारेमा तपाईको प्रतिकृया