मन्थली, १७ चैत्र । रामेछापमा सुत्केरी हुन नसकेकी महिलाको उद्दार गरिएको छ । उहाँलाई नेपाली सेनाको हेलिकप्टर मार्फत मंङ्गलवार काठमाडौँ पठाइएको हो ।
मंगलबार बिहान रामेछाप अस्पतालबाट मन्थली अस्पताल सिफारिस गरिएकी रामेछाप नगरपालिका वडा नं–४ हिमगंगा की ३५ वर्षीय बेलीमाया तामाङलाई मन्थली नगर अस्पतालमा उपचार सम्भव नभएपछि काठमाडौँ पठाइएको हो ।
बागमती प्रदेशको नावालक शिशु र मातृ हवाई उद्दार कार्यक्रम अन्तर्गत प्रमुख जिल्ला अधिकारी श्यामकृष्ण थापा र रामेछाप नगर उपप्रमुख बाल कुमारी कार्कीले सम्बन्धित निकायमा पहल गरेपछि नेपाली सेनाको हेलिकप्टर मार्फत काठमाडौँ पठाइएको बताइएको छ । तामाङको आर्थिक स्थिति अत्यन्तै कमजोर रहेको रामेछाप नगर प्रमुख लवश्री न्यौपाने ले बताउनुभयो ।
वेलीमायाका श्रीमान् पनि शारीरिक रूपमा अपाङ्ग रहेका छन् । उनका चार नावालक सन्तान रहेको रामेछाप नगरपालिकाकी उपप्रमुख कार्कीले बताउनुभयो ।
यो बारेमा तपाईको प्रतिकृया