मन्थली,६असार । महेन्द्रोदय, मन्थली माध्यामिक विद्यालय पूर्व विद्यार्थी समाजको दोस्रो अधिबेशनले यस अघिकै समितिलाई कायम गरेकाे छ । यस अघि डा. परशुराम घिमिरेको अध्यक्षतामा ११ सदस्यिय समिति गठन भएकाे थियाे । भेलामा सहभागी केही सदस्यहरूले गणपुरक संख्या नपुगेकाेले समिति गठन गर्न कानूनी रूपमा नमिल्ने कुरा उठाएपछि गणपुरक संख्या नपुगुन्जेल पुरानै समितिले मान्यता पाएकाे निर्वाचन समितिले जनाएकाे छ। समाजका सचिब कुमार खत्रीले नयाँ समिति चयन हुन नसकेकाेले हाल लाई निर्वाचन समितिले गणापुरक संख्या नपुगुन्जेल सम्म पुरानै समिति कायम हुने माैखिक जानकारी गराएकाे भएपनि अाफुहरू यस बिषयमा छलफलमै रहेकाे बताउनुभयाे ।
यस अघिकाे समितिमा उपाध्यक्ष,सचिब, कोषाध्यक्षमा क्रमशः रमेश राज सुबेदी, कुमार खत्री, अम्बिका देवकोटा हुनुहुन्छ भने सदस्यहरूमा तिर्थ सुबेदी, विजय घिमिरे, भगवती तामाङ,हरिकुमार कार्की, श्याम कुमार श्रेष्ठ,रमेश उदाश,सरोज श्रेष्ठ र शान्ता न्यौपाने रहनुभएको थियाे ।
कार्यक्रमको उद्घाटन ब्यानर पढेर मन्थली नगरपालिका वडा नं –१ का वडा अध्यक्ष होम प्रसाद पौडेलले गर्नु भएको थियो ।
यो बारेमा तपाईको प्रतिकृया