मन्थली ,११ असार । प्रहरी नायव उपरिक्षक – प्र.ना.उ) सन्तुलाल प्रसाद जैसवारले नीति र विधि मिचेर काम गर्न नदिने बताउनुभएको छ ।
बुधबार जिल्ला प्रहरी कार्यलय रामेछापमा आयोजनाग गरिएको पत्रकार भेटघाटका क्रममा उहाले सो कुरा बताउनुभएको हो ।
एक महिना अघि जिल्ला प्रहरी कार्यालय रामेछाप सरुवा भई आउनु भएका प्र.ना.उ जैसवारले आफुले जिल्लाको प्रभावकारी शान्ति सुरक्षाका लागि जस्तोसुकै कदम चाल्न पनि पछि नहट्ने बताउनुभयो ।
उहाले आफू जिल्लामा आइसेपछि गरेका विभिन्न गतिविधिका वारेमा सार्वजनिक गर्दै जिल्लाको भुगोल र बस्तुस्थिति बुझ्ने काम आफुले गरिरहेको पनि बताउनुभयो ।
कार्यक्रमका अबसरमा सञ्चारकर्मीहरूले जिल्ला सदरमुकाममा रहेको अब्यवस्थित पार्किङको ब्यवबस्थापन, जथाभाबि थुपारिएका निर्माण सामग्रीका कारण भएको सवारी दुर्घटनाको जोखिम न्यूनिकरण, विभिन्न प्रहरी युनिटमा भएको काम प्रतिको हेलचेक्र्याई जस्ता गतिबिधिहरू सुधार गर्न अनुरोध गुर्नका साथै दीगो विकास निर्माणका लागि सहजता गरिदिन समेत अनुरोध गरेका थिए ।
कार्यक्रमका अबसरमा बोल्दै प्रहरी निरिक्षक राजन प्रसाद तिमिल्सिनाले प्रहरीले नदेखेका तर पत्रकारहरूले देखेका समस्या र प्राप्त गरेका सूचनाहरू प्रहरीलाई जानकारी गराउन अनुरोध गर्नुभएको थियो ।
यो बारेमा तपाईको प्रतिकृया