रामेछाप- विश्वभरी महामारीको रुपमा फैलिइ रहेको कोरोना भाइरसको कारण नेपालमा भयवह स्थिति आउन सक्ने चिकित्सकहरुले चेतावनी दिएका छन् । विगत चार महिन देखि नेपाल आएका व्यक्तिहरु कोरोना भाइरसको संक्रमित हुन सक्ने बताउँदै त्यस्ता व्यक्तिहरुलाई तत्काल क्वारेन्टाइनमा राख्न नसके नेपालले इटालीको भन्द ठूलो क्षति बेहोर्नु पर्ने चेतानवी चिकित्सकहरुको रहेको छ ।
नेपाल अभियानसँग कुरा गर्दै तामाकोशी अस्पतालका डा. सुमन कर्मचार्यले भन्नुभयो– ‘जब चिनमा कोरोना भाइरसको संक्रमण देखियो त्यतिबेला देखि नै विभिन्न मानिसमा सर्दै गएकाले अहिले विश्वभरी महामारी फैलिई रहेको छ । गत डिसेम्बर देखि विदेशबाट नेपाल भित्रिएका मानिसमा पनि कोरोनाको भाइसर हुन सक्छ, तिनै मानिसहरुको कारण हामीले इटालीको भन्द ठूलो क्षति बेहोर्नु पर्ने स्थिति आउन सक्छ । त्यसैले सरकारले अरु कुरमा भन्द विगत चार महिन अघि देखि विदेशबाट नेपाल भित्रिएका मानिसकोे तथ्यांक अनुसार सबैलाई क्वारेन्टाइनमा राख्ने तर्फ ध्यान दिनु पर्छ ।’
उहाँले थप्नुभयो– ‘अहिले विदेशबाट गाउँ आएका मानिसहरुले केही सावधानी अपनाएका छैनन, उनिहरु खुला रुपमा गाउँमा समुह बनाएर हिडिरहेको भन्ने सुनिन्छ । त्यो नै हाम्रा लागि घाताक बन्न सक्छ । त्यति मात्र हैन् उनिहरु गाउँमा जुवा–तास खेल्ने, जाँड रक्सी खाएर कोरोना भाइरसलाई मजाकका रुपमा लिइ रहेका छन् भन्ने खबर सुनिएको छ, यदि यो कुरा सत्य हो भने नेपालका लागि त्यस्तो किसिमको क्रियाकलाप नै दुर्गति बन्न सक्छ । त्यस्ता व्यक्तिलाई राज्यले खोज्नु पर्यो अनि उनिहरुले पनि स्वघोषणा गरेर आफै क्वारेन्टाइनमा आएर बस्नु पर्यो ।’
नेपालमा हाल सम्म पाँच जनामा कोरोना भाइरसको संक्रमण पुष्टि भइसकेको छ । दोस्रो व्यक्तिमा कोरोना भाइरसको संक्रमण देखिए पछि सरकारले चैत्र ११ गते देखि १८ गते सम्म नेपाललाई लकडाउन गरेको थियो । अहिले फेरि लकडाउनको समय अवाधि बढाएर चैत्र २५ गते सम्म पुर्याएको छ ।
लकडाउनको नियमलाई पूर्ण परुपमा पालना गर्न सके र विदेशबाट आएका सबै व्यक्तिहरुलाई क्वारेन्टाइनमा राखेर जाँच गर्न सके त्यो नै कोरोना रोकथामको उत्तम उपाय हुने विज्ञहरुको बुझाई रहेको छ ।
यो बारेमा तपाईको प्रतिकृया