रामेछाप- रामेछापमा कोरोना भाइरस संक्रमणको परीक्षणको पाँचौ दिनमा आइपुग्दा ८८ जनाको र्यापिड टेष्ट गरिएको छ । र्यापिड टेष्ट विधिबाट परीक्षण गरिएका सबै जनाको रिपोर्ट नेगेटिभ देखिएको छ ।
शुक्रबार सम्ममा गोकुलगंगा गाउँपालिकामा सबैभन्दा बढी ४१ जनाको र्यापिड परिक्षण गरिएको छ । त्यस्तै रामेछाप नगरपालिकामा २४ जना, लिखुतामाकोशी गाउँपालिकामा ६ जना र सुनापति गाउँपालिकामा ७ जनाको परीक्षण गरिएको स्वास्थ्य कार्यालय रामेछापका निमित्त कार्यालय प्रमुख जितेन्द्र कर्णले बताउनुभयो । उहाँका अनुसार बिदेशबाट फर्केर होम क्वारेन्टाइन र स्थानीय सरकारले बनाएका क्वारेन्टाइन बसेका व्यक्तिहरूको र्यापिड टेष्ट गरिएको हो ।
बाँकी रहेका स्थानीय तहमा पनि नियमित रुपमा काम भइरहेको कर्णले बताउनुभयो ।
यो बारेमा तपाईको प्रतिकृया